The Esmundur

http://johannesgthorsteins.blogspot.com

2006-10-17T18:01:00.001Z

http://johannesgunnar.blogspot.com enn önnur síðan sem ég held uppi, johannesg.net er dauð í bili en við sjáum til hvernig það mun þróast.

Arigato, Mr. Roboto

2006-02-18T11:56:00.000Z

Ég held að nú sé málið að deyða þessa síðu. http://www.esmundur.blogspot.com á skilið að vera tekin úr umferð þar sem mín nýja síða er að hálfu leiti komin í umferð. Þannig að ekki vera að eyða tíma ykkar að skoða þetta flykki, farið á nýju síðuna mína! http://www.johannesg.net

Ástkæra ylhýra

2006-02-15T16:35:00.000Z

Þar sem miklar pælingar hafa verið í gangi hjá fólki á þessum tímum um hvort íslenskan muni deyja út eftir 100 ár útaf enskuslettunum þá ætla ég hér með að vitna í Rasmus Christian Rask sem var danskur málvísindamaður og dvaldi hér á landi á árunum 1813 til 1815. En hann var semsagt að rannsaka varðveislu forns málfars Íslendinga. Hélt hann því framm að skjótt þyrfti að bregðast við ef íslenskan ætti ekki að deyja út því að hún væri orðin dönskuskotin. Hann taldi að eftir 100 ár myndi sjálfsagt enginn skilja hana. you get my point?

"The Beginning of What's About to Happen"

2006-02-13T22:04:00.000Z

Ætli það sé ekki kominn tími til að leysa frá skjóðunni. Allt gott tekur enda, allt sem fer upp kemur aftur niður, ekkert er eilíft, ástin er ei ódauðleg þótt sterk sé. Ég hef lítið verið fyrir það að blaðra þessu, langar ekki beint að vera að auglýsa það að ég sé á lausu. já þið heyrðuð rétt. Mörg ykkar hafa kannski frétt þetta í gegnum aðra en ég náði að segja einni og einni persónu þetta og ákvað bara að láta þetta berast út á sjálfu sér. En þar sem ég er ennþá að fá spurningar um hvernig sambandið gangi og ég góðfúslega svara “bara svona ágætlega” bara til að vera kurteis þá ákvað ég að blaðra frá þessu hérna á blogginu. Jamm, næstum því eitt og hálft ár í paradís, þótt að Bára hafi nú flutt til Svíþjóðar síðastliðinn.. Júlí held ég... eða hvað. Þetta var yndislegt samband, eitt það yndislegasta sem ég hef lent í... hvað er ég að rugla, þetta var það yndislegasta og enginn efi á því... en í leiðinni erfitt vegna vegalengdarinnar á milli okkar. En þetta var byrjað að valda okkur báðum miklum erfiðleikum, sambandið var bara ein þung byrgðu á okkur þannig að eftir nokkrar misheppnaðar tilraunir við að endurlífga það þá kölluðum við þetta gott og ákváðum að slútta því, áður en það yrði of seint og vináttan myndi fara líka. Vináttan bættist allsvakalega bara við þessa eina ákvörðun. Það liggur við að við tölum meira saman núna en áður, allavega meira vit í umræðunum okkar að mínu mati. Og ég held að þetta hafi verið það réttasta sem hægt var að gera við þessar aðstæður. Ég ætla þó ekki að “sparka” henni út úr lífi mínu, ég gæti aldrei gert það, yndisleg stelpa sem mér þykir svo vænt um. Og ég gæti aldrei gert litlu systur minni það, hún er þegar búin að missa einn bróður úr lífi sínu, vil helst ekki að hún missi “bestu vinkonu sína” eins og Katha kallar hana Báru. Ég gæti heldur ekki höndlað þann missir. Ég veit ekki hvað ég á að skrifa meira í bili. held að þetta sé komið nóg í bili. vil bara enda þetta á þeim orðum.. að Bára, ef þú ert að lesa þetta þá veistu að ég er mjög þakklátur fyrir allt sem þú hefur gefið mér, mjög þakklátur fyrir allt sem þú hefur kennt mér, og mjög þakklátur fyrir að hafa kynnst þér. Ég held ennþá í vonina að við eigum eftir að eiga samleið í lífinu á einn hátt eða annan og ég á örugglega eftir að halda í þá von áfram. Ég vona að þér líði vel þarna í Svíþjóð... mér þykir alveg gríðarlega vænt um þig. PS: kæru lesendur, ekkert ljóð í dag

Dagur

2006-02-09T19:22:00.000Z

læt mig reka, fleka mitt mannorð einn dag í einu, eyk okkar sálarmorð Er að vinna í að færa bloggið yfir á http://www.johannesg.net , gleðifréttir. Annars hef ég ekki tíma til að blogga meira núna, er að elda súpu “as we speak”. kveð að sinni

Hlopið

2006-02-07T14:58:00.000Z

Hann sat inní hausnum á sér, skoðaði lífið sitt. Hvað var eftir? Ekkert nema hann sjálfur, lífið hljóp frá honum. Það vantar helminginn, missir hann heftir Ætli ég reyni ekki að hlaupa í dag...

Líf, hífðu, gríp í tómt

2006-02-05T22:54:00.000Z

Spegillinn grætur glerbrotin þeytast um gólfin Meðan askjan tárin ei lætur Verndar, öll rammgerðu hólfin Var heima yfir helgina, ákvað að breyta aðeins til, sukkaði tvo daga í röð. Eitt og hálft þorrablót. Fór semsagt á Þorrablót í Ásbyrgi þar sem etið var og dansað, undir spili Hraun. sem að ég verð að segja að stóðu sig ekki beint vel en skánuðu þó eitthvað þegar líða tók á áfengið. Eða var það kannski áfengið hjá mér sem lét þá hljóma betur í mínum eyrum. spurning... Svo daginn eftir var rifið sig úr rekkju og í þynnku sinni skellt sér á tangann í heimsókn til nýkringds öldungs, semsagt, til Frímanns en hann varð að 18 vetra fola þann dag. Var þá etið, góður matur, svo góður að ég fékk mér tvisvar á diskinn og var haldið því fram að það væri héraðsmet enda er ég ei þekktur fyrir að háma í mig mat sama hversu yndislegur hann er. Eftir matinn var skellt sér í kaffi til Lilju á elliheimilinu, en kaffibollarnir urðu heldur margir, og teygðist þetta í nokkra klukkutíma en var nú bara andskoti gaman á þeim fundi. Síðan ákváðum við þeir fullorðnu (ég, Frímann og Hjalti) og krakkarnir (Sandra og Andri) að tími væri kominn á smá rúnt, drykkju, og almennt glens. Já, við stofnsettum Hvammstangarúntsfundinn þennan daginn eða allavega þetta kvöldið. Fyrsti bíllinn sem lét sjá sig og ekki bættust margir við en það glytti þó stundum í Shower Power, Guðjón og einhverja fleiri. Síðan var leikið nískupúka og hangið fyrir utan blótið á tanganum með þeim afleiðingum að eitthvað magn af áfengi var sníkt. Vil ég hér með þakka Bjarka fyrir að hafa í sínum fórum þetta ógeðslega sullbland sem hann var með sem ég hef hér með nefnt Auto Þynnku-Maker 5000. Helvítis sull, eyðilagði fyrir mér sunnudaginn en ég átti þetta skilið. Enda sníkti ég djöfull andskotann af drenginum. Hjalti skutlaði mér síðan heim en ég held að Andri, Sandra og Frímann hafi nú rúntað aðeins lengur. Hver veit... hmmm... Ætli það sé warcraft 3 LAN fyllerí næstu helgi? spurning... gæti verið að maður skelli sér á fimmtudagsfyllerí líka. Finnst mér þetta þó frekar skrýtið enda stutt bil á milli drykkjustunda en oftast hef ég verið edrú í nokkra mánuði á milli fyllería. Ætli maður taki sér samt ekki langa pásu eftir næstu helgi. Maður hefur ekkert gott af því að sukka í of miklu óhófi. Híf þú þínu líf

Sex þúsund fet undir...

2006-02-02T01:03:00.000Z

Týndur, sokkinn í ólgusjó líkar vel, sex þúsund fet undir Lífslínan, blá og mjó Ég sit akkurat núna í bíl, og er á leiðinni á Akureyri. Já þið heyrðuð rétt. Ég ákvað að byrja allavega þessa önn vegna nokkurra atvika, eða eiginlega bara eins atviks sem gerðist á þriðjudaginn. Sem betur fer var ég ekki búinn að skrá mig úr skólanum. En annars er ég ekki 100% viss hvort ég klári önnina en ég vona að ég muni geta það annars finnst mér þó líklegt að ég fari svo í VMA á næsta skólaári. Og nei, það er ekki útaf því að ég tel mig ekki ráða við MA. Ég tel mig ráða við MA allvel þótt stundum sé ég eiginlega á brúninni. Málið er að félagsfræði gefur lítinn pening af sér í framtíðinni og það er ekki beint innan áhugasviðs míns þótt mér finnist félagsfræði mjög svo yndislegt fag. Málið er að lífið er stutt, listin er löng, og í þessu tilfelli er listin líf mitt. Og ef ég ætla að lifa löngu og heilbrigðu lífi þá held ég að ég þurfi listina með mér í það langa ferðalag því það er einn fárra förunauta sem ég veit með vissu að mun ei yfirgefa mig. En já, eins og vitrir menn vita víst þá er listabrautin í MA jafn góð og maturinn í mötuneyti Lundar er góður fyrir bragðlauka, líkama og sál. Semsagt, Listabrautin í MA er ekki upp á marga fiska. Svo getur jafnvel verið að ég fari suður í staðinn fyrir VMA en ég er bara það ástfanginn af Akureyri þannig að það er ólíklegt en getur þó gerst. leysum festar, siglum á brott búnir að hanga í sömu höfn, ei stutt Lífið bíður vor

Út með það gamla og inn með það nýja!

2006-01-31T23:47:00.000Z

Fargi fargað, öllu aflétt Öllu fórnað á leiðinni Er þessi leið, dimm og blaut, rétt? Er þetta henni að kenna? reiðinni? Þetta hefur verið viðburðaríkur dagur. Lífið snérist eiginlega bara við og henti mér í hina áttina en í leiðinni fann ég fyrir að áhyggjum var lyft af mér. Vildi þó að það hafi verið á einhvern annann hátt en já, lífið er ekki alltaf sanngjarnt. Og stundum eru allir vegir erfiðir, Málið er bara að velja veginn með rétta leiðarendann. Ég er að pæla í að fara í sturtu, þvo af mér áhyggjurnar, þvo af mér óhreynindinn, og þvo af mér gamla drauma, svo ég hafi pláss fyrir þá nýju. Verst að þeir nýju eru uppteknir... í bili...

La Mer

2006-01-30T23:55:00.000Z

And when the day arrives I’ll become the sky And I’ll become the sea And the sea will come to kiss me For I am going Home Nothing can stop me now Trent Reznor

Séra Flóki

2006-01-30T01:35:00.000Z

Ætti ég að hætta í MA? ætti ég að elta drauma mína, stunda listnám... ætti ég að reyna að laga líf mitt, koma smá reglu á það... eða réttara sagt lífga upp á það. Hitta meira fólk... Ætti ég að fara til svíþjóðar í smá stund... ætti ég að fara að vinna... ætti ég að fara að pæla í bílprófi... ætti ég að djamma meira... lífið er flókið... í bili nægir mér að hlusta á kynþokkafulla(?) og seðjandi rödd Les Claypools í gegnum lagið Eclectic Electric... PS: johannesg.net netþjónninn er kominn upp!!! það styttist í þetta!!!

Sálarfóður

2006-01-28T01:00:00.000Z

Sálin södd, sárin kvödd Svæfandi, þín kæra rödd Strjúktu mér, með þínum ljúfu orðum Með þá ósk efst í huga, að allt verði eins og forðum

Gagnvirk vefmyndavéla-emmessenn-spjallforritaleiðsla

2006-01-25T16:02:00.000Z

Kom heim í blessaðann Vesturárdalinn núna fyrir umþaðbil 2 tímum eða svo. Fallegri en mig minnti. Snjór út um allt, allt á kafi. Þótt ég sé ekki mikil snjómanneskja þá líkar mér þetta samt bara vel. Nýjustu fréttir eru þær að vefmyndavél frá Logatækni (Logitech) hefur verið færð í hendur mínar og líst mér andskoti vel á þetta spútnik. Annars er ekkert annað að frétta... Næstu dagar munu innihalda leti, leti, leti, tölvuflipp, leti, og svo meiri leti. Þannig að ekki búast við mikilli aukningu í vefleiðsluskrifum mínum hér á þessum vefleiðara. (ætti ég kannski að játa mig sigraðann og kalla þetta bara blogg?) Ef einhver vill sjá mitt yndisfríða andlit og líkama í kvikri mynd þá skal viðkomandi skella sér inná Emmessenn (þýðing: MSN) og spjalla (Ellin tvö í spjalla skulu vera lesin eins og ellin tvö í pjalla) við mig með hjálp undrum veraldarvefsins. Og þá mun ég kannski leyfa viðkomandi að taka þátt í gagnvirku vefmyndavéla-emmessenn-spjalli ef vel viðrar. Annars hef ég ei neitt annað að skýra frá. Sjáumst heil og sæl.

Búinn, finido! Bushido!

2006-01-24T11:03:00.000Z

já, síðasta prófið var í dag. Það gekk mjög vel held ég... ekki alveg viss samt. Og það eru komnar nokkrar einkunnir á INNU. 5 í íslensku 212, 5 í frönsku 212, 7 í íþróttum (sko karlinn...) en 4 í stærðfræði. Margfalt betri einkunnir en ég bjóst við en samt held ég ekki nóg til að láta mig skipta um skoðun um að taka mér pásu frá MA. eða hvað...? Ég ætla að nota daginn í að pakka niður og laga til hérna í íbúðinni minni. Og svo kannski kíkja í mat til Hansa í kvöld og hver veit, Warcraft 3 kannski og draga Sindra með. tíhí. Planið fyrir morgundaginn er: Miðfjörður. Ójá... heim, heim í Vesturárdalinn! Þar sem maður er laus við 4mbita ADSL tengingu, námsefni, pirrandi fólk, dópista og annann lýð. Bara náttúran eftir. Ég get ekki beðið. Tónlist, já, ekki mikið búið að gerast hjá mér í tónlistinni á síðastliðnum mánuðum. Er búinn að vera að reyna að koma hljómsveit af stað en það gengur brösulega. Annars er aðal fréttirnar í tónlistinni hjá mér að ég er að vinna í því að víkka út tónlistasmekkinn eins mikið og ég get og núna er komið að Portishead, sýrujazzinu mikla. Er búinn að vera að hlusta á Portishead mjög svo mikið síðastliðnu daga og minnir þetta mann dálítið á djass útgáfu af Björk verð ég að segja. Annars er ég búinn að vera að hlusta samhliða Portishead, á Kyuss og aðrar álíka sveittar sveitir. Þannig að tónlistin er í fínum málum hjá mér þessa stundina held ég barasta. ég veit bara ekki hvað ég á að gera á næstu önn... hvort ég eigi að taka mér pásu, vinna, hvíla mig, sort things out og kannski bara kíkja til svíþjóðar í nokkrar vikur jafnvel, þarf að knúsa elskuna mína. Mig vantar knús... Pása? VMA? MA? suður kannski? eða Krókurinn kannski... eða nei, fyrr skal ég dauður liggja en að rotna í skólanum á króknum (no offence elsku kræklingarnir mínir) Annars fer framtíð mín eiginlega bara eftir því hvað Bára ákveður að gera þegar hún kemur heim. Ég fylgi henni, styð við bakið á henni og reyni að hala mér inn eins mikilli mentunn og ég get á meðan. Miðfjörður, vér sjáumst á morgun!

Japanir eru áhugaverðir

2006-01-22T21:56:00.000Z

Stafrænt form minnis

2006-01-22T04:15:00.000Z

...gamlar minningar. mynd stolið af myndasíðunni hennar Evu minnir mig. :)

þrjú orð

2006-01-21T00:42:00.000Z

...ég er þakklátur

"Leynd ekki aflétt af bréfaskiptum við ESA um RÚV"

2006-01-20T11:49:00.000Z

Ensku próf áðan, fyrsta prófið sem mér gengur vel í... Ég er ekki bjartsýnn á sögu og nátt. prófin. Enda er ég frekar orðinn leiður á námi akkurat núna. Annars verð ég að afsaka að í þetta skiptið er ég ekki í stuði fyrir miklar skriftir þannig að ég læt þetta bara duga... ES: ég var að eignast vefmyndavél

Hug Myndir

2006-01-19T01:32:00.000Z

Ekkert rétt, engin frétt dagur fyrir dag, byrgðin ei létt Langar bara að lifa hlusta á klukkuna tifa Eins og vitur maður sagði einu sinni, Að hugsa er ekki gott fyrir heilsuna, að hugsa of mikið gerir mann þunglyndann. Ég held að ég sé farinn að sofa áður en ég hugsa eitthvað meira...

Núverandi?

2006-01-18T15:09:00.000Z

já.. ég lét freistast! Núverandi föt: Ljósbláar gallabuxur, keyptar í Svíþjóð, Gular Joe Boxer smilie boxer nærbuxur(?), Pearl Jam (Window Pain) bolur og að sjálfsögðu er ég klæddur í tvö stykki sokka. Núverandi skap: Þreyta, pirringur, leiði, söknuður og kvíði. En annars eitthvað sem brosir lengst inní mér. Núverandi lykt: fýlan af mér, gæti vel þegið smá Bárulykt núna... held að ég fái lánaðann bol frá henni næst þegar ég fer til Svíþjóðar... i need her smell to keep me alive!!! Núverandi farði: farði? enginn farði, en reyndar þá skellti ég einhverju húðkremi á mig í gær. Er að reyna að laga húðina í andlitinu. Orðin svo illa skemmd að það er ekki eðlilegt. Núverandi undirföt: Joe Boxer g-strengur, ég meina boxer nærbuxur. Núverandi áform fyrir helgina/kveldið: læra, ýmindað knús, og svefn. Núverandi hatur: hálsinn minn, atlantshafið (því það aðskilur mig og Báru), kvíðaköst, próf Núverandi hamingjusemi: hamingjan mín flutti til Svíþjóðar fyrir nokkrum mánuðum Núverandi ósk: Báru heim Núverandi dót í vösum: tómir vasar, finnst óþægilegt að hafa eitthvað í vasanum. Alltaf þegar ég kem heim þá tæmi ég vasana á náttborðið Núverandi pirringur: próf Núverandi aðhlátursefni: vasareiknirinn við hliðina á mér Núverandi tónlist: Don’t give hate a chance, Jamiroquai Núverandi bók: Námsbækur Núverandi uppáhaldsleikari: Steve Buscemi, ávallt í uppáhaldi Núverandi uppáhaldsleikkona: engin... Núverandi skartgripir: svona vinaarmband sem Bára gaf mér. og úrið sem ég fékk í gjöf frá bróður mínum fyrir nokkrum árum. Núverandi löngun: flugmiða til Svíþjóðar Núverandi áhyggja: Áhyggjur um að hvernig það verði að taka sér frí frá skóla og fara að vinna og álíka. Núverandi mynd: Ken Park Núverandi texti á heilanum: Immortality eftir Pearl Jam Núverandi desktop pic: Það fer eftir ýmsu, ég er með þrjá skjái fyrir framan mig þannig að... Núverandi eftirsjá: ...langur listi Núverandi skemmtun: MSN og iTunes... Núverandi vonbrigði: alltof langt þangað til Bára kemur aftur heim... Núverandi blótyrði: éttu blóm Núverandi staður: íbúðin mín.. tómlega íbúðin mín. Núverandi hljómsveit: Kyuss Núverandi söngvari: ég verð að segja að ég heillaðist svolítið af söngvaranum í Seether, þótt þetta sé ekki beint my cup of tea þeirra tónlist þá þegar ég sá hann í Jay Leno þættinum þá verð ég að segja að ég varð eilítið heillaður. hvað sem hann nú heitir... Núverandi söngkona: Aimee Mann.. þið fólk VERÐIÐ að tjékka á Aimee Mann. Núverandi kærasti: ég á ekki kærasta held ég, en kærustu á ég, og heitir hún Bára. Óska þess að hún væri hérna nálægt... Núverandi land: Ísland, gæti vel þegið að vera í Svíþjóð þó... Núverandi e-mail: dcbob[at]forerunners.org, 24jgt[at]ma.is, messord[at]gmail.com og svo fleiri... Núverandi símanúmer: 846-6149 Núverandi hlutir á veggnum: Herbergið mitt: dagatal sem ég nota til að krossa yfir dagana sem líða í átt að heimkomu minnar heittelskuðu, próftafla, blá ljósasería, Bob Marley fáni (ásamt jamaica fánanum í bakgrunn), Amon Amarth plakat, Sigurrós plakat, Múm myndir og Bob grein ásamt Jakobínarínu grein. Og svo grein einnig um Jan Mayen og Pearl Jam. Svo er einnig mynd sem Addi teiknaði af mér hangandi þarna líka. Núverandi draumur: bókstaflega? ja, man ekki eftir neinum draumum. En ósk/draumurinn minn er sá að hitta Báru... Núverandi litur: Appelsínugulur, eða samkvæmt núverandi íslenskumælandi þjóð, “Orange” (lesið með íslenskum framburð) Núverandi árátta: Dreddar (Dreðlingar?) Núverandi hlutur til að hlakka til: Heimkoma Báru, sex mánuðir mínus þrír dagar. Núverandi Msn manneskjur: Óla og Gyða.. en þær eru held ég báðar farnar... annars er ég að spjalla við Tony á Forerunners... Núverandi manneskja til að forðast: ákveðinn partur af mér sjálfum Núverandi vinir: hmm.. þeir sem ég hef hangið með svona að mestu leiti síðustu daga hvort sem er í real-life eða á msn þá tel ég upp, Hansi, Sindri, Gyða, Óla og jafnvel Nína, og kannski ég bæti Nönnu þarna inn í líka. Svo hringdi Gústi til mín frá Mexíkó um daginn og óskaði mér til hamingju með afmælið þannig að hann fær heiðurinn einnig að vera í vinalistanum mínum. Núverandi sársauki: Söknuður, og kvíðaköst. ...og þetta var ágætis rimma, takk fyrir

Tool bolur, rautt hár, hún...

2006-01-18T00:22:00.000Z

Er búinn að vera að flakka um á netinu núna í klukkutíma, rakst á nokkrar myndir af elskunni minni henni Báru. Og það var þó sérstaklega ein mynd sem vakti miklar tilfinningar. Þessi hér... Þetta er semsagt mynd sem ég fann einhverstaðar (sorry, búinn að gleyma því) af henni Báru (hægra megin) og... sýnist þetta vera Steinunn en það er erfitt að sjá það. Þetta er eitthvað mikið áður en ég kynntist henni, enda hún með ljóst hár þarna ólíkt þegar hún byrjaði í MA (plús hún lítur út fyrir að vera mikið yngri þarna) en málið sem vekur svo miklar tilfinningar er bolurinn sem hún er í. Tool bolurinn sem kom okkur saman, tæknilega séð. Pikkup línan hjá mér... “flottur bolur!”... gömlu góðu dagarnir. Ekki heldur á hverjum degi sem maður hittir stelpu sem elskar Tool. og hvað þá Alice in Chains, A Perfect Circle, Nine Inch Nails, Björk, Mugison, BoB, Noise og svo framvegis... Ég man þegar ég sá Báru fyrst, sat svona 5 metra frá mér, í kvosinni í MA. eldrautt hár... liðað... appelsínugular buxur, náttbuxur jafnvel. og mig minnir fjólublái/svarti blómabolurinn hennar. Ég starði á hana, ég varð orðlaus... En ég missti strax vonina, vissi ekkert hver þetta var, þekkti hana ekkert og ég bara gaf upp vonina strax og reyndi að gleyma henni þótt hún poppaði við og við upp í huga mínum... Af einhverjum skringilegum ástæðum tók hún eftir mér þónokkuð fyrr, og bar sama hug, nema bara hún gafst ekki upp ólíkt mér, hún planaði þetta allt, hún náði sér í mig, og einu ári, og nokkrum mánuðum seinna, þá sit ég hér, og vildi óska þess að hún sæti við hliðina á mér, en hún er víst í Svíþjóð... Þessi tími sem hún er búin að vera úti er búinn að líða mismunandi, fyrstu mánuðirnir liðu hratt, svo fór þetta að lengjast, lengjast, lengjast... Allavega... féló próf á morgun.. farinn að sofa eða eitthvað! ta ta!

Dreddzorz

2006-01-17T19:51:00.000Z

Pásu frá MA? þessi hugmynd er að sækjast meira og meira á mig, er byrjaður að fá bakþanka út á þetta en ég er eiginlega 90% viss um að ég taki mér pásu en getur verið að ég fari ekki út til Svíþjóðar. Allavega ekki í bili, en ætla að reyna það þegar lengra dregur. Dreddar? já ég held það nú. Styttist í það þótt ég hafi lennt í ágætis vandræðum með að redda mér tilheyrandi búnaði til að skella dreddzunum í mig. Er þó pínu stressaður fyrir þetta enda mikið verk, mikil þjáning og mikill pirringur sem er í kringum þetta. Ég er ennþá að bíða/vinna í johannesg.net... ætti að koma fljótlega, vona ég.

Annar í afmæli

2006-01-16T11:18:00.000Z

5. Marie Ann 6. Tim 7. Þóra HÁMA 8. Katha systir 9. Mamma 10. Guðrún Eik 11. Sara ég missti eiginlega töluna á þessu eftir Söru... fyrirgefið þeir sem gleymdust... annars var afmælisdagurinn minn ekkert sérstakur. Hann var viðburðaríkur þó. Takk Hansi, takk æðislega Hansi minn fyrir að splæsa á mig og fleiri tvö stykki pizzur. Þú ert elskaður! Ég og Sindri munum standa fyrir hópknúsi á næstu dögum og þú sleppur ei. en já, ég er að pæla í að taka mér frí frá menntaskólanum. ég er hvort sem er fallinn í stærðfræðinni. En ég þarf eiginlega að hugsa mig betur um hvað ég ætla að gera í framtíðinni, þarf að “finna sjálfan mig”. Plús ég þarf að reyna að laga mörg vandamál sem hafa komið upp á síðustu misserum í lífi mínu. Mér langar í listnám, hljóðnám eða myndlist. Ekki beint læra á hljóðfæri, mér finnst leiðinlegt að læra á hljóðfæri, ég vil ekki vera Steve Vai, ég vil ekki vera Yngwie Malmsteen eða hvað sem þeir nú heita eða Kirk Hammet gaurinn í Málmíku. (Metallica). Mig langar miklu frekar að geta legið uppí rúmmi, með gítarinn, og spila eitthvað einfalt, eitthvað slakandi, ég vil ekki spila 735 nótur á einni mínútu meðan ég klippi á mér táneglurnar. Mig langar að kunna grunninn á mörgum hljóðfærum en mest langar mig að sinna hljóðmennsku, taka upp, sinna hljóðblöndun og fleiru... Eða þá fara í myndlist... Ég veit bara að ég þarf að hugsa mig vel um, laga mörg vandamál sem hafa komið upp og margt fleira og ég held að ég hafi gott af pásu. Þótt að það væri örugglega best upp á vinnu í framtíðinni að halda áfram í MA þá er margt annað sem skiptir meira máli en vinnan. Ég hef lítið við góð atvinnutækifæri að gera ef ég sit inn á geðdeild vegna kvíðakasta... Ég þarf að hugsa aðeins um sálina núna í einhvern tíma. Og eftir það, þá skelli mér kannski aftur í MA (ég ELSKA fólkið í MA...) eða þá í VMA eða skelli mér suður... Langar ekki beint strax á vinnumarkaðinn. Vil klára námið. Í gær var merkisdagur, Ég átti 18 ára afmæli, Siggi Deathtrap varð 18 ára einnig, Hlynur á tanganum varð 17 ára, Pabbi hans Sindra Jó varð fertugur eða fimmtugur (?) og Wikipedia.org varð 5 ára. Merkisdagur, merkisdagur. Annars hef ég lengi verið að pæla í einu. Ég er búinn að komast að þeirri staðreind að ég er ei vinmargur. Ég á nokkra FRÁBÆRA og YNDISLEGA vini, og þónokkra kunningja en ég á ei marga vini. Svoleiðis standa málin að ef ég hef kveikt á MSN í heilan dag, og er ekki away eða neitt álíka, þá byrjar í mesta lagi EINN að tala við mig, ég spyr svo nokkra kunningja og vini og þar er talan miklu hærri. Bára til dæmis lendir oft í 5-20 manns strax og hún kveikir á MSN og sama gildir um fleiri. Svo ef við lítum á þennan vefleiðara og vefleiðara hjá öðru fólki (blogg) þá er oftast 1-10 comment ef ekki fleiri á hverja færslu. En hvað sé ég hérna? ég þarf oftast að neyða fólk til að commenta hérna á síðunni minni. Og ég hef komist að því þó að ég er með ágætis blogg þar sem ég er ekki með gelgjulega og illa skrifaða upptalningu á því helsta sem gerðist um daginn (ég fór í skólann, ég borðaði, ég kom heim, fór að sofa...) heldur oft ágætis rimma yfir pælingar dagsins, atburði dagsins og svo framvegis. Bætti jafnvel inn “mp3 bloggi” einu sinni og myndum. Hvað er það sem vantar fólk? hvað er það sem vantar? annars er ég ekki að kvarta yfir að eiga ekki nógu marga vini. Ég er mjög vandlátur á vini og hleypi fólki eiginlega ekki að mér nema í einstaka tilvikum. Fékk einu sinni þá lýsingu að það væri hörð skel utan af mér en þegar maður væri loksins búinn að komast í gegnum skelina þá væri yndisleg manneskja inni við. Ja, ég veit ekki með yndislegu manneskjuna, það er ykkar að dæma. En þetta með skelina er mjög svo góð lýsing. Ég er bara vandlátur á vini, vinir þurfa að uppfylla margar gæðakröfur. En þótt ég sé “vinfár” þá gæti ég samt þegið fleiri skoðanir frá vinum og kunningjum á þetta blogg/þennan vefleiðara. Annars ætla ég að fara að sökkva mér í depurð yfir stærðfræðifallinu, fá mér að eta, og skella mér kannski í sturtu. Sturta er góð leið til að láta langann daginn líða hratt, losna við kvíða, slaka á, og í leiðinni þá verður líkaminn hreinn. Sálin verður jafnvel aðeins hreinni. ef maður notar nógu sterkt sjampó.

hið 18. ár í lífi Esmundus hefur byrjað.

2006-01-15T00:31:00.000Z

jamm, orðinn 18 ára. klukkan nákvæmlega 00:22, Sunnudagurinn 15. Jan byrjaður. Reyndar fæddist ég einhverntímann um morguninn.. eða kvöldið þannig að ef ég fer algjörlega í tæknilegu hliðarnar þá er ég ekki nákvæmlega 18 ára. En lagalega séð þá er ég 18 ára. allavega, fjórir hafa óskað mér til hamingju og er þetta röðin 1. Tengdó 2. Óla 3. Addi 4. Sindri Jó Hverjir ætla að ná næstu sætum? Annars hef ég ekkert annað að segja, afmælisdagurinn byrjaði “vel”. Slæmt kvíðakast, en sem betur fer var ég með róandi lyfin, skellti þeim í mig, og skellti mér í sturtu þangað til þau myndu virka. Eru komin í gang núna og vá... “that’s some good shit, bro!” verð ég að segja. Virka mjög vel... vona bara að þau dugi núna út þetta kvíðakast. Það sem ég vill fá í afmælisgjöf • Báru heim • Báru heim • Báru heim • Báru heim • Báru heim • Báru heim • Báru heim • Báru heim • ná prófunum jámm... nóg í kvöld, gn!

Síðustu tveir dagar í hnotskurn

2006-01-13T08:17:00.000Z

köst, föst, veldur löst Lífið þýtur hjá Ekkert eftir nema kyrrðin Þögn, samt sem áður öskur

Óbjóðtíð

2006-01-12T11:18:00.000Z

Hóftíð, það er ei þessi kóftíð, fjandans próftíð. Próftíðin er byrjuð með pompi og prakt. Frönsku réttara sagt. Ég rúllaði henni ekki upp, reyndar er ég mjög nálægt falli og eru líkur á því að ég falli og ólíkt venjulegum framhaldsskólum þá er aðeins verra að falla í MA en eins og tildæmis á króknum eða einhverju álíka. Ekki eins og maður sé drullaður niður eftir það og rekinn með skömm því maður er ekki nógu metnaðarfullur heldur þá sýnir próftíðin alltaf einn stærsta galla bekkjarkerfisins. Tökum til dæmis hvað ég lenti í, í fyrra. Tók dönskupróf í dönsku 202. Ég fell, en ég nenni sko ekki að mæta í upptökuprófið og ákveð bara að taka þetta á næsta ári eða bara seinna. Nei heyrðu.. hvað sé ég. Ef maður fellur í dönsku, þá getur maður bara drullast til að taka fyrsta bekk aftur og mest öll fögin aftur (nema maður hafi fengið yfir 7 í lokaeinkunn) Þannig að já, ég má ekki falla. En skemmtilegt... Ísland er yndislegt en það er margt í kerfinu sem er mikið rugl eins og tildæmis þessir gallar í bekkjarkerfi MA sem verður að laga eða bæta á einhvern hátt. Annars er fyrirkomulagið með bekki algjör snilld að öðru leiti. En já, ég semsagt sit sveittur og læri undir próf, íslenskuna á föstudaginn réttara sagt. Reyndar vegna smá “personal crisis” hef ég átt erfitt með að læra undir prófin en ég ætla að kíkja til læknis á morgun og gá hvort ég geti ekki fengið róandi eða vöðvaslakandi lyf eða eitthvað í þeim dúr. Þarf á því að halda. (og nei, þetta er ekki prófkvíði, er eiginlega frekar rólegur þannig séð fyrir prófin, lenti í smá prófkvíða á þriðjudaginn en það var bara skítur á priki) en já... sunnudagurinn? sunnudagurinn 15. janúar... já, ég verð fullorðinn þá! Þetta eintak hér sem skrifar þessi orð verður orðið 18 vetra á þessum guðs volaða degi. Ég er að pæla í að bjóða nágrönnum mínum (Hansa og Nönnu) í pizzu eða eitthvað álíka þar sem ég hef svo oft sníkt af þeim mat að það er ekki eðlilegt. Reyndar hefur mér bara alltaf verið boðið. Pizzur, pönnukökur, subway og ég veit ekki hvað og hvað. Hansi, Nanna... þið eigið skilið eitt stórt knús. Það getur samt verið að ég bjóði einum eða tveimur í viðbót í pizzu... vil samt ekki hafa of marga þótt ég elski ykkur öll. Málið er bara að ég elska peningana mína líka þannig að það er smá árekstur þar á milli. Pizzur kosta. Já, ég er nískur, og ég er sníkjudýr. Það er einföld ástæða þar. Ég er svo oft að safna fyrir einhverju stóru og þá legg ég oft allan vikupeninginn (guð.. ég er að verða 18 ára, og er ekki með vinnu og fæ ennþá vasapening, LOL...) undir og lifi þá á vatni og brauði (og gjafmildi vina minna) út þá viku. Það minnir mig á það, þarf að fara að safna fyrir M-AUDIO Mobile PreUSB. Þannig að endilega sendið matarpakka að Hlíðargötu.. vegi? 9... (ég meina það, ég hef búið hérna síðan í september og ég man ekki hvort þetta sé Hlíðargata eða Hlíðarvegur, held að þetta sé Hlíðargata...) en allavega, held að það sé tími til að ég “fari á fætur”, klæði mig, og fái mér eitthvað að éta... þarf reyndar að skúra gólfið hérna fyrst. Had a little accident yesterday.

Kyuss

2006-01-09T16:37:00.000Z

Fékk sent á netinu geisladisk með hugleiðsludótaríi... Vinur minn er víst kominn á kaf í þessu “meditation” dæmi og er að reyna að smita mig. Ég er ekki beint mikið trúaður á þetta en er þó með mjög opinn huga gagnvart öllu þessu því ég veit að svona lagað getur virkað allsvakalega sérstaklega eftir að mamma lærði Reiki. Ég held líka að ég hafi gott á smá afslöppun og hugleiðslu á þessum dögum. Próftíð, pirringur, kvíði, söknuður og einhver minniháttar tilvistarkreppa... Hef gott af smá hugleiðslu. Aðrar fréttir? lítið að frétta nema það að próftíð fer að byrja, miðvikudaginn til að vera nákvæmari. frönskupróf. Franquice! bleh, örugglega skrifað vitlaust hjá mér. Svo er íslenskan á föstudaginn (málsaga og snorra-edda) get ekki beðið... kaldhæðni dauðans. vitið þið hvað? ég elska hljómsveitina Kyuss...

Fellur...

2006-01-08T21:22:00.000Z

Sálin, rifnar af mér, fellur í gólfið Dregin niður af speglinum Sem einstaklingar, erum við ekkert nema hálfkák Leitandi að hinum helminginum, allt okkar líf

INTHABUZZERNET!!

2006-01-07T13:28:00.000Z

Internet? Internet? já!!! Fékk SMS frá BTnet í gær um það að nettenging mín hafi verið virkjuð. þeir sögðu að það myndi taka 7 daga þegar ég sótti um það en í staðinn tók það 2 eða 3 daga. Ég er stoltur af þeim. Ekki oft sem maður fær svona góða þjónustu. Reyndar beiluðu þeir á einu. Þegar ég kom heim úr skólanum og ætlaði að prufukeyra netið í fyrsta skiptið en þá bara neitar netið að virka. Ég hringi tvisvar í BT og þeir gefa mér engin svör heldur skrifa bara niður fyrirspurn og segja að þeir muni hringja í mig. Dagurinn líður, BT lokar og ég veit ekki hvað og hvað, enginn hringir. Ég hélt að ég þyrfti að bíða eftir þessu þangað til eftir helgi en nei, þeir hringja klukkan 9 um kvöldið og með hjálp þeirra þá næ ég að koma þessu í gang á “nó tæm”. en já, netið komið og ég er virkilega að njóta þess. En ég held að ég þurfi að fara að læra ef ég á að ná þessu frönskuprófi á miðvikudaginn. (lokaprófin.. já, prófin byrja í janúar í MA) Þannig að verið heil og sæl, sjáumst síðar.

Elskið mitt

2006-01-06T11:47:00.000Z

Tré speglanna

2006-01-06T08:44:00.000Z

Styttist í Internetið, styttist og styttist og ég ei get beðið. En hvað það verður yndislegt að vera með þráðlaust net í íbúðinni. Get ei því lýst. Dökknar tré speglanna endurkastar myndunum út í himingeiminn móttekið af vitund heiglanna dreift eins og vírus um heiminn Ég er byrjaður á málverki í photoshop. Stafrænu málverki til að vera nákvæmari. Semsagt eiginlega sama tækni og þegar maður nota pensil og striga nema bara núna er ég með mús, stafrænan pensil og photoshop glugga. Þetta gengur ágætlega, er kominn með grunninn af tré, himinn og jörð. Á kannski eftir að sýna ykkur the work in progress einhverntímann fljótlega en ég geri ráð fyrir því að þetta eigi eftir að taka nokkra daga eða jafnvel vikur. ...Cheers

Blettir

2006-01-05T11:20:00.000Z

Hér er semsagt öll smásagan Blettir, í heild sinni. Þetta er semsagt smásaga sem ég skrifaði í þremur hlutum á nokkra daga tímabili. Ákvað að skella þessu saman í einn hluta hér fyrir ykkur. Njótið. Augu Hans lokuðust hægt og bítandi, meðan sjónvarpið fyllti kytruna hans af snjó og lét rafeindirnar leika við eyrun Hans. Aðeins heyrnalausir og dauðir gætu upplifað álíka kyrrð og þá í einstaka tilvikum. Hátt, djúpt, lengst inn í óravíddum hugans en þó á einhvernhátt út um allt, heyrist drumbusláttur, taktfastur, en eykur hraðann og kraftinn hægt og bítandi. Hann sekkur, Hann smýgur ofan í sófann, lengst niður í óravíddir sálarinnar. drunur, hávaði, þrýstingur, og svo síðast algjör þögn. Sjónvarpið lætur jólasnjóinn falla niður um allt herbergið, allt orðið hvítt. Hann getur ekki hreyft sig, en sjónvarpið getur það. “En sú kaldhæðni, en sú bévítans kaldhæðni.”. Þögnin deyr út, snjórinn magnast og tíminn líður. “Það er rétt hjá sjónvarpinu, en sú kaldhæðni.” hugsar Hann. Eftir dálitlar samræður stendur Hann upp, stendur upp, og horfir í augun á sjálfum sér. hlær, er Hann liggur hjálparvana í stólnum. Nú er kominn tími á ferðalag... Eitt lítið stökk, og Hann er kominn á loft. Efasemdirnar þagna um leið. Flýgur burt frá sjálfum sér, snjónum og öllum lífsins skuldbindingum. “er ekki yndislegt að taka sér hlé frá sjálfum sér?” öskrar sjónvarpið á eftir Honum en Hann er floginn burt, heyrir ekki lengur í snjónum, heyrir ekki lengur í líkamanum. “hvernig getur fólk séð sannleikann ef það túlkar umheiminn í gegnum líkamann, Hvernig getur fólk séð framtíðina ef það horfir á hana í gegnum nútímann... nei sko, gestur, hvað heitir þú?”. Hann horfði á Hana, sagði ekki neitt enda voru engar varir til að hreyfa, engin raddbönd til að misnota. “Já, svo þú heitir það. Ég þarf samt ekki að kynna mig, því þú veist nú þegar hvaða nafn ég ber”. Það var rétt hjá Henni, Hann vissi það nú þegar. “Lífið? Enginn getur lifað lífinu, við erum öll of upptekin við lífið sjálft”. Orðin sem flugu um engið, jafnt og þetta fríða andlit, hurfu. Ekkert eftir nema grasið sem náði Honum upp fyrir axlir. Hann leit upp. Himininn var hvítur, meira en hvítur, jafnvel algjörlega auður. Minnti Hann eiginlega á raunveruleikann á einhvern hátt. En himininn vakti ekki hrifningu Hans lengur, Hann vildi miklu frekar leita niður á við. Hann sekkur. “Kaldhæðnislegt, Við eyðum allri ævinni í að teygja okkur í átt að sólinni, en á endanum gröfum við okkur niður í raka og drungalega moldina eins og ekkert væri sjálfsagðra”. Hann slökkti á sjónvarpinu... “Hefur þú ekkert að segja? Viltu ekki dæma mig?”. Hún hefur ellt Hann niður, niður í hundblauta moldina, en sú dræsa, hvað heldur hún eiginlega að hún sé. “Fyrirgefðu, en ég get ekki talað. Skildi munninn eftir, þú skilur...” sagði Hann. Hún kinkaði kolli en opnaði engu síður munninn. Út um munninn flæðir þessi dökki vökvi, svífur réttara sagt. Hann sér hvernig vökvinn umlykur líkama Hans og hreinsar Hann, hreinsar lífið Hans af öllum efasemdum. Þau gráta, gráta saman þessum dökka vökva. Er ekki gaman þegar allt endar vel? þegar allt á sér engan endir réttara sagt. Þegar maður einfaldlega vaknar ekki af draumnum, heldur bara áfram að sofa, lifa í draumnum án allra efasemda og annara neikvæðra tilfinninga. Hann vill ekki vakna... Sjónvarpið á samt eftir að vekja hann með kaldhæðnisfyrirlestrum einhvern tímann fljótlega en það er best að njóta draumanna á meðan enginn endir er fyrirsjáanlegur...

Kreppa?

2006-01-05T01:13:00.000Z

Er einhver áhugi til að halda áfram? Hver einasti sláttur klukkunar dregur manninn niður með sér Jafnvel þegar hæst í hjartanu dunar Þótt að allt þitt líf sé við hliðina á þér Það vill enginn geispa golunni á réttum aldri lifum hratt, lifum stutt Það er ekkert líf eftir sorgina en það er líf eftir dauðann Viltu ekki hugsa þig aðeins betur um áður en þú dregur andann, fíflið þitt held niðri í mér andanum, sálinni. Slepp’ henn’ ekki út, nema lífið liggi við Seld fyrir tíkall Hvað er svona merkilegt við þetta svokallaða líf sem gæti alveg eins verið aðeins hugarburður okkar. Sjónhverfing, heilinn að gabba okkur. Hver er tilgangurinn? “The meaning of life is yours to create”... ef svo er, til hvers er þetta ef það er enginn æðri meining á þessu öllu saman. En hvað það er skemmtilegt, heppilegt, upplífgandi og hvetjandi að vera í tilvistarkreppu rétt fyrir próftíð.

Blettir III

2006-01-03T22:08:00.000Z

“Hefur þú ekkert að segja? Viltu ekki dæma mig?”. Hún hefur ellt Hann niður, niður í hundblauta moldina, en sú dræsa, hvað heldur hún eiginlega að hún sé. “Fyrirgefðu, en ég get ekki talað. Skildi munninn eftir, þú skilur...” sagði Hann. Hún kinkaði kolli en opnaði engu síður munninn. Út um munninn flæðir þessi dökki vökvi, svífur réttara sagt. Hann sér hvernig vökvinn umlykur líkama Hans og hreinsar Hann, hreinsar lífið Hans af öllum efasemdum. Þau gráta, gráta saman þessum dökka vökva. Er ekki gaman þegar allt endar vel? þegar allt á sér engan endir réttara sagt. Þegar maður einfaldlega vaknar ekki af draumnum, heldur bara áfram að sofa, lifa í draumnum án allra efasemda og annara neikvæðra tilfinninga. Hann vill ekki vakna... Sjónvarpið á samt eftir að vekja hann með kaldhæðnisfyrirlestrum einhvern tímann fljótlega en það er best að njóta draumanna á meðan enginn endir er fyrirsjáanlegur...

Og þá er þessi ör/smá-saga loksins búin. Ég verð þó að afsaka að ég náði ekki að klára hana fyrir Svíþjóðarferðina mína margrómuðu en ég kom semsagt heim í gær og kláraði þessa sögu ásamt því að klára margt annað sem ég átti eftir ólokið. Endilega látið fram skoðanir ykkar á þessari sögu. Mig langar svo endilega að vita hvernig þessi tilraun mín hefur tekist. Ég hef þó fengið nokkrar jákvæðar skoðanir út á þessa sögu en ég vil endilega fá fleiri, hvort sem það eru jákvæðar eða neikvæðar. Öll gagnrýni er góð, engin gagnrýni er neikvæð. Svíþjóðarferð mín? hún var frábært, hún var algjörlega yndisleg. Ferðin til Keflavíkur og síðan með flugi til Danmerkur gekk mjög vel og án allra skakkafalla fyrir utan ókyrrð í lofti sem maður lendir nú eiginlega alltaf í. Þegar ég loksins lenti á Karstrup þá tók við ágætis göngutúr að farangursfæribandinu og þá eftir það bið eftir farangrinum. En þar sem ég var bara með eina tösku (og aðra í handfarangri) þá var ég ekki lengi að ljúka því. Ég labba svo út í sal og renni augunum einu sinni yfir fólkið á svæðinu í leit að mínu fólki án árangurs. Renn augunum aftur yfir hópinn og sé þá bros sem ég þekki. Elskan mín komin að sækja mig ásamt fósturpabba hennar og litlu systur. Eftir þetta er keyrt til Svíþjóðar... og ég sver það, mér fannst ég ekkert vera kominn til danmerkur/svíþjóðar, það var svo mikill snjór og ógeðslegt veður að maður sá engann mun. Veðrið skánaði þó með tímanum sem ég var þarna en það var alltaf frekar kalt og alltaf mjög mikill snjór. Það er þó lítið að segja um þessa svíþjóðarferð mína nema það að ég hitti marga sænska vini hennar Báru og leist mér ágætlega á hópinn, Einnig verslaði ég geisladisk á 40 kall sænskar (400 kr... og þessi diskur er á 2-3000 kall hér á landi) og voru margir diskar á álíka verði þarna. Næst þegar ég ætla að versla geisladiska þá mun ég skella mér til Svíþjóðar, og kannski fara í roadtrip til Linköpping og heimsækja Göran vin minn ef maður hefur vilja, pening og tíma einhverntímann. Ég verslaði einnig föt (eitt par buxur og einn bol) en annars var ég eiginlega bara að spara. Gærdagurinn hljóðaði þannig að skyldfólk Báru keyrðu mig og Báru til Karstrup á flugvöllinn og fengum við semsagt smá tíma þar ein þangað til ég þurfti að fara í gegnum tollinn... Þetta var afskaplega kósý þarna, fórum á kaffihús á flugvellinum og fengum okkur bjór og café latté. Og eftir smá situ og spjall var komið að kveðjustund. Almennileg kveðjustund enda mun ég mjög líklega ekki sjá hana fyrr en um miðjan næsta júlí. Ekki nema maður vinni í lottó og skelli sér aftur til svíþjóðar en það er afskaplega ólíklegt. En ég held að þetta sé komið nóg í bili. Rafhlaðan einnig að verða tóm á tölvunni. (sit í bíl á leiðinni til Akureyrar meðan ég skrifa þetta, sendi þetta svo á vefleiðarann er ég kem á Akureyri.) þannig að ég, ofarritaður, kveð að sinni. Það sem losar um vökvann Játningar lífsins, Spegilmyndir syngja Hefur engin almennileg tök hann Þótt ég því lofi, myrkri ég verð að kyngja

Ja! Sverige! Ja!

2005-12-28T21:50:00.000Z

já, þetta er bara búið að vera mjög svo yndislegt hér í svíþjóð fyrir utan það að þetta er nákvæmlega eins og ísland akkurat núna. Bandbrjálað veður, snjór, skaflar og ég veit ekki hvað og hvað... og ég er í suður svíþjóð. Ég bjóst svo alls ekki við þessu. en já, Bára og ég erum búin að hafa það afskaplega gott hér fyrir utan smá magapínu hjá mér annan daginn og einhverja hálsbólga sem er að sækja í Báru núna. Maturinn hérna? maturinn hérna... já, ég er alltaf frekar stressaður yfir mat því ég á erfitt með að venja mig á mat hjá öðrum, þótt ég sé vanur matseldinni hjá tengdó og finnst þá matur alveg yndislegur þá var ég frekar stressaður á sænsku hráefnin. Maginn minn getur bara stundum verið svo leiðinlega viðkvæmur. Þess vegna lenti ég mjög líklega í magakveisunni þarna en núna er þetta orðið fínt og maturinn er yndislegur og ólíkt danmörku, þá er pepsi-ið hérna og vatnið mjög gott. Helvítis danska vatn!!! Og já, eruð þið ekki stolt af mér? ég tók ekki ferðatölvuna með mér. Það skipti Báru kannski ekkert rosalega miklu en ég hef sannað það fyrir sjálfum mér að ég hef smá sjálfstjórn. En ég varð þó aðeins að skella mér á netið, og er því að sníkja tölvuna hjá tengdó. en ég held að ég hafi þetta ekki lengra í bili, elskið mitt hún Bára bíður... Kveðja frá Danmörk, Jóhannes Gunnar Þorsteinsson

Kast

2005-12-25T22:20:00.000Z

Eldur, kviknar í taugum Dansar, dansar Lifna við í gömlum draugum Dansar, dansar

Nollaig shona daoibh!

2005-12-24T15:52:00.000Z

Hvað segið þið? Allir komnir í jólaskap? Ekki ég reyndar, en það skiptir engu máli, það kemur kannski þegar það líður á kvöldið. Annars er ég ekki búinn að gera neitt í allann dag. Alls ekki neitt en það er allt í lagi. Ég er eiginlega bara að reyna að slaka á eins mikið og ég get. Enda búinn að ofkeyra mig á námi og öðru síðustu mánuði. Svo er ég á leiðinni til Svíþjóðar á mánudaginn. Get ekki beðið. Verð þar yfir áramótin þannig að Húnvetningar og aðrir munu eiginlega ekkert sjá mig yfir hátíðarnar. Held að það sé fyrir bestu. Alltaf gott að frá frí frá Esa... Annars hef ég ekkert að segja nema ég óska ykkur öllum gleðilegra jóla, og farsæls komandi árs. Og takk fyrir allt saman. elska ykkur öll. Eða allavega meirihlutann af ykkur. PS: ef þið voruð að pæla í hvað titillinn á þessari færslu þýðir þá er þetta Gleðileg Jól á írsku ef ég man rétt. :) PS: þriðji hluti smásögunnar minnar, Blettir, mun koma fljótlega, spurning hvort ég nái að klára það fyrir svíþjóðarferðina þó...

Blettir II

2005-12-22T15:13:00.000Z

Tími til kominn á 2. hluta í þessari smá/ör sögu minni, Blettir. Þið getið lesið fyrsta hluta >>>hér<<<. Njótið, og endilega látið skoðanir ykkar í ljós á þessari frumraun minni á þessu sviði. Eitt lítið stökk, og Hann er kominn á loft. Efasemdirnar þagna um leið. Flýgur burt frá sjálfum sér, snjónum og öllum lífsins skuldbindingum. “er ekki yndislegt að taka sér hlé frá sjálfum sér?” öskrar sjónvarpið á eftir Honum en Hann er floginn burt, heyrir ekki lengur í snjónum, heyrir ekki lengur í líkamanum. “hvernig getur fólk séð sannleikann ef það túlkar umheiminn í gegnum líkamann, Hvernig getur fólk séð framtíðina ef það horfir á hana í gegnum nútímann... nei sko, gestur, hvað heitir þú?”. Hann horfði á Hana, sagði ekki neitt enda voru engar varir til að hreyfa, engin raddbönd til að misnota. “Já, svo þú heitir það. Ég þarf samt ekki að kynna mig, því þú veist nú þegar hvaða nafn ég ber”. Það var rétt hjá Henni, Hann vissi það nú þegar. “Lífið? Enginn getur lifað lífinu, við erum öll of upptekin við lífið sjálft”. Orðin sem flugu um engið, jafnt og þetta fríða andlit, hurfu. Ekkert eftir nema grasið sem náði Honum upp fyrir axlir. Hann leit upp. Himininn var hvítur, meira en hvítur, jafnvel algjörlega auður. Minnti Hann eiginlega á raunveruleikann á einhvern hátt. En himininn vakti ekki hrifningu Hans lengur, Hann vildi miklu frekar leita niður á við. Hann sekkur. “Kaldhæðnislegt, Við eyðum allri ævinni í að teygja okkur í átt að sólinni, en á endanum gröfum við okkur niður í raka og drungalega moldina eins og ekkert væri sjálfsagðra”. Hann slökkti á sjónvarpinu...

Elsk!

2005-12-21T00:51:00.000Z

og áfram heldur þetta “klukk” kjaftæði nema núna er það “elsk” kjaftæði og ég var elskaður af Sindra jó! :P Telurðu ástina vera mistök?: nei, bara misrök Hvað finnst þér rómantískast?: “lagið okkar” Törn-on?: kerti+Bára+lagið okkar+nekt(?) Törn-off?: hausverkur(?) :P Fyrsti kossinn?: haha... stórt er spurt. Ef einhver hefði áhuga á þér en þú hefðir ekki áhuga á henni(/honum?), hvernig liði þér?: illa, mjög illa Finnst þér betra að þekkja einstakling sem þú ferð á stefnumót með?: ég bara hef ekki hugmynd... Hefur þú einhvern tímann óskað þess að það væri félagslega ásættanlegra að stelpur byðu strákum út?: ég gef skít í félagsleg gildi og viðmið Hefurðu einhvern tímann fengið rómantískan áhuga á manneskju sem er ekki útlitslega aðlaðandi?: útlitið skiptir engu máli svo lengi sem ástin er nógu sterk. Ég tel það þó kaldhæðnislegt að maður eins og ég sem tel útlitið skipta mjög litlu máli hafi orðið svo virkilega ómótstæðilega heppinn að næla mér í fallegustu og yndislegustu stelpu í heimi. Bára, ég elska þig! Heldur þú að gagnstæða kyninu finnist þú aðlaðandi?: gagnstæða kyninu í heild? nei... held að ég gæti ekki alhæft það. Mér nægir að einni stelpu finnist það. Hvað er best við gagnstæða kynið?: ég alhæfi ekkert, ég tel mig meira persónuhneigðan þannig að þetta fer eiginlega eftir persónunni. Og engin stelpa er með eins persónu. En ef ég á að svara þessu út frá einhverju sem allar stelpur eru með (eða allavega 99%) semsagt, líkamspartar. þá segi ég brjóstin og rassinn. (hehe...) Hvað er verst við gagnstæða kynið?: alhæfingar, alhæfingar... en þar sem ég þarf að miða þetta út frá líkama enn og aftur þá segi ég túr og túrverkir. Hver er síðasta gjöfin sem þú fékkst?: ég er með svo lélegt minni en mig minnir að það hafi semsagt verið ársafmælisgjöfin frá Báru, Sin City DVD og hjartalaga “candy cane”. Ertu ástfangin/nn?: Já Telurðu betri helming þinn vera hot?: betri helming minn? semsagt maka minn? ef svo er, já. gífurlega. já... þetta var skemmtilegt. og núna þarf ég að koma ábyrgðinni yfir á fleiri! og hana nú! ég elska: Gyðu Ólu Hansa (vængur af engli) Báru (en þar sem hún er ekki með vefleiðara þá sleppur hún við þetta dæmi) og Báru aftur...

Blettir I

2005-12-20T23:12:00.000Z

Augu Hans lokuðust hægt og bítandi, meðan sjónvarpið fyllti kytruna hans af snjó og lét rafeindirnar leika við eyrun Hans. Aðeins heyrnalausir og dauðir gætu upplifað álíka kyrrð og þá í einstaka tilvikum. Hátt, djúpt, lengst inn í óravíddum hugans en þó á einhvernhátt út um allt, heyrist drumbusláttur, taktfastur, en eykur hraðann og kraftinn hægt og bítandi. Hann sekkur, Hann smýgur ofan í sófann, lengst niður í óravíddir sálarinnar. drunur, hávaði, þrýstingur, og svo síðast algjör þögn. Sjónvarpið lætur jólasnjóinn falla niður um allt herbergið, allt orðið hvítt. Hann getur ekki hreyft sig, en sjónvarpið getur það. “En sú kaldhæðni, en sú bévítans kaldhæðni.”. Þögnin deyr út, snjórinn magnast og tíminn líður. “Það er rétt hjá sjónvarpinu, en sú kaldhæðni.” hugsar Hann. Eftir dálitlar samræður stendur Hann upp, stendur upp, og horfir í augun á sjálfum sér. hlær, er Hann liggur hjálparvana í stólnum. Nú er kominn tími á ferðalag...

Hýsing sáttmálans

2005-12-19T14:38:00.000Z

jólafrí á morgun, ætla að skrópa í þessum örfáu ómarkvissum tímum sem er á morgun og ganga í staðinn niður á rútustöð og halda á brott frá akur eyranna og reyna með fremsta megni að enda í miðju allra fjarða, eða Miðfjörð réttara sagt. En hvað það verður sérstakt að sjá allt sem hefur breyst heima, ég hef örugglega bara skotist heim til mín einu sinni, eða í mesta lagi tvisvar síðan MA byrjaði á þessu skólaári. En ég stoppa ekki við lengi, enda þarf ég að hoppa upp í eitt stykki flugvél þann annan í jólum enda er ég á leiðinni til svíaveldis að hitta dömuna og alles. Ég vil líka afsaka þá staðreynd að engin jólakort frá heittelskuðum mér komi inná heimili ykkar en ég hef verið óstjórnlega upptekinn (latur) þannig að ég læt mér nægja að senda óskir um gleðileg jól annaðhvort munnlega eða bara í gegnum þennan vefleiðara þegar að því kemur. Ljóð dagsins: Gegnum þokuna, lýsir Alla þessa sýkla, þú sátt hýsir Margt sem ég ei get skilið Hvernig þú klífur upp gilið

Please Enter

2005-12-16T08:47:00.000Z

vá.. fólk er víst búið að vera að skrifa skoðanir sínar hérna á fullu. En það vill svo til að ég var með kveikt á “moderate comments” óvart. Og það þýðir semsagt að ég þurfti að leyfa öll comment. Það er komið í lag núna og fólk getur farið að “spamma” mig með skoðunum sínum enn á ný. en nóg um það... Besides you in time. Þetta lag, þetta himneska og leyndardómsfulla lag. Ef ég væri í eiturlyfjum þá myndi ég hlusta á þetta lag á vímustundum mínum. Þetta lag er bara allt of leyndardómsfullt. En þetta er semsagt lag eftir meistara Trent Reznor (NIN) og það er eiginlega bara ómögulegt að lýsa þessu lagi í orðum. Það er eiginlega enginn sérstaktur taktur í þessu, reyndar er einn undirtaktur í “trommunum” en undirspilið lútar ekki neinum reglum sambandi við takt en samt passar allt þetta helvíti saman á einhvern hátt. Hlustið á þetta lag ef þið fáið tækifæri til þess. “it’ll blow you into oblivion” en já... dagurinn í gær, mjög sérstakur dagur. ALLT gekk á afturfótunum (fyrir utan það að ég kveikti ekki í húsinu þegar ég eldaði mér hamborgara) Dagurinn byrjaði þannig semsagt að ég skellti mér í skólann á réttum tíma, þó með allt hárið skemmtilega rafmagnað sem þýðir að það var allt framan í mér allann helvítis skóladaginn. Í hádeginu bættist svo þreyta við, gífurleg þreyta. þannig að ég ákvað að skrópa í þremur síðustu tímunum, fara heim og leggja mig. Ætlaði þó að gefa mér tíma til að fara í sturtu, éta og gera mig tilbúinn fyrir munnlegt frönsku próf klukkan 14:50. En nei... ég legg mig og veit ekki betur en ég vakna allt of seint og þarf að hnipra niður punktum á blað fyrir prófið og hleyp síðan út í skóla (10 mín. ganga venjulega) og rétt næ í prófið, móður og másandi og lít út eins og ég veit ekki hvað. Og vegna þess hvað ég er allur stressaður þá klúðra ég prófinu algjörlega. Ég fæ svo frí frá leiðindum í nokkra klukkutíma þennan dag og lítur allt út fyrir að ég sé sloppinn... en svo ákveður eitt glas, fullt af pepsi að rata beint í gólfið í eldhúsinu mínu. hálftími líður á meðan ég þríf þennan óþverra upp... en já... þegar ég lít til baka þá var þetta kannski ekkert mikið sem gerðist þennan guðs volaða dag en þrátt fyrir það þá var þetta frekar pirrandi dagur... en já.. Addi skilaði mér Warcraft 3 í dag... vúhú. LOKSINS!!!!!! *grrrrrr*

Blettir

2005-12-16T00:06:00.000Z

Endurnærður fuglinn, flýgur hærra klífur upp himininn þó ennþá vængbrotinn Hvenær verður krafturinn þrotinn? ég hef verið að pæla í að skrifa smá smásögu... kannski fanfic eða bara mína eigin sögu, spurning hvað ég geri... kannski ég byrji á þessu í jólafríinu þótt ég hafi ekki mikinn tíma. síðasti kennsludagur er 20. desember, þannig að ég verð kominn heim 21, og ég fer svo til Svíþjóðar þann 26. des og kem heim 2. janúar sem þýðir að ég fer á akureyri samdægurs eða daginn eftir. Margt að gera í jólafríinu.

Algleymi

2005-12-13T08:41:00.000Z

Orðin, læst inni Svífandi um í algleymi haturs Reykur, vil að þessu linni svífandi yfir Atlantshafinu

...in no particular order

2005-12-11T20:50:00.000Z

það sem mig vantar... • Nýtt geisladrif í iMakkann • Meira vinnsluminni • Nýtt batterí í ferðatölvuna • Nýjan utan á liggjandi harðadisk • M-audio upptökugræjur • a tad’ 65 diskinn með Kamp Knox • gallabuxur • boli • hársnyrtingu • elskið mitt • smá pepsi dreitil • ...ásamt smá kaffi dreitil • geðheilsu • internet • hárteygjur • warcraft 3: frozen throne • world of warcraft • jólaskap • jólafrí • afslöppun

búinn?

2005-12-11T03:03:00.000Z

drekk úr tveimur staupum meðan reykurinn tærir í sundur augun klára úr einu staupi hvað á að gera? Það væri ágætt ef fólk gæti allavega lagt fram einhverjar skoðanir um ljóðin mín og vefleiðarafærslur mínar... bara pæling... bara pæling...

Velritað, helritað

2005-12-10T17:38:00.000Z

Hvar er best að byrja? held að það sé best að byrja einhverstaðar nálægt byrjuninni. Eða réttara sagt byrjuninni á þessari helgi. Byrjar nú þannig að Föstudagurinn gengur í garð og ég fer í skólann, síðan eftir skólann vill svo til að T.I.L hljómsveitaræfingu er frestað og ég skelli mér á Kaffi Karó að hitta Kristjönu. Það var ágætt þótt ég hefði eiginlega kosið það að fá mér kaffi en ég var blankur þannig að það þurfti að bíða. Hansi.. vængur af engli, Beck... Hans Beck... já... Herra Hans er kominn með vefleiðara sem er staðsettur á http://viiibeck.blogspot.com og ég mæli með að fólk skoði þetta fram og aftur og aftur og fram eins og ekkert væri sjálfsagðara og þess má geta einnig að ég hjálpaði honum að breyta útlitinu smá. úje. Ég fór í jólagjafakauperí í dag, reyna að finna eitthvað handa Báru. í leiðinni rakst ég á Kamp Knox diskinn, a tad 65 og vá, mér langar í þetta yndislega stykki og mig langar í það núna. ójá. Annars rakst ég á margt annað sem mig langar í tildæmis The Complete Hitchikers Guide bókin og Dark Tower bækurnar. (verð eiginlega að fara að prófa að lesa þær) Annars hef ég ekki tíma í meira “bloggerí”. (vefleiðerí?) þar sem ég verð víst að fara að koma mér fljótlega. Hafið það gott um jólin. Velritaður kveður

Tengdur...

2005-12-08T08:37:00.000Z

Það sem lyktar, þegar þú fiktar Brýtur spegilinn, rífur dregilinn Ekkert eftir, allt þig heftir Tengt í mína æð, ég engu ræð

Þverbundin vefleiðsla

2005-12-07T09:15:00.000Z

Ég er dálítið feik, Ætla hér með að leika eftir Hugleik. Endar mjög líklega allt í káli, þar sem ég mun skrifa í bundnu máli Erfiðir dagar liðið hafa, Inn í heim hönnunar ég kafa fimmtán grand, jafnvel átján grand, ei skal ég éta sand hah!!!... það er ekki hægt að skrifa í bundnu máli, við skulum bara gleyma því annars er það í fréttum að ég er búinn að vera fjötrum bundinn inn í kompu Munins, að hanna skólablaðið og milli þess hef ég verið að hanna leikskrá og annað fyrir LMA og hefur það gert síðustu tvær vikur ógeðslegar eða réttara sagt mjög uppteknar. Ég hef lítið annað gert en að hanna og þá meina ég það bókstaflega. Á fimmtudaginn var svo árshátíð Menntaskólans á Akureyri og var það ágætis skemmtun. annars nenni ég ekki að skrifa neitt sérstakt um þann atburð. Annars er ég kominn með flugmiða, alla leiðina til svíaveldis. Ég mun semsagt kveðja Ísland í nokkra daga þann 26. des er ég stekk upp í þotu beinustu leið til svíaveldis, eða réttara sagt lendi ég í köben en það skiptir engu máli. Get ekki beðið með að hitta litla elskið mitt. fjötur losnar, löstur flosnar Allt sem við þekktum, dautt er nú Heiður himinn, blár og kalinn Dyrin lokuð, ég er falinn

Viðvarin viðvera!

2005-11-28T08:20:00.000Z

95% mæting hjá mér!!!! BÚJA!!!!

Helgin í kompuskurn

2005-11-27T22:38:00.000Z

Þetta er búin að vera mjög svo sérstök helgi. Byrjaði hún þannig að eftir skóla á föstudaginn skellti ég tölvunum mínum báðum í Muninskompuna (kompa skólablaðsins) og byrjaði að hanna skólablaðið ásamt Ara og Sindra Jó. Klukkan 4 eða 5 um nóttina ákvað ég að nóg væri komið í dag þannig að ég fór heim, háttaði og sofnaði. Ekki stóð róinn lengi, en ég fór á fætur um 1 eða 2 leitið á Laugardaginn og getið hvert ég fór! Beint í Muninskompuna, og í þetta skiptið hélt ég mig þar inni til klukkan 7 á sunnudagsmorgunn. Ákvað ég þá að nóg væri komið, og skellti mér heim, fór að sofa og vaknaði svo daginn eftir um 2 leitið og beint aftur í Muninskompuna. Núna, klukkan um tíu þá ákvað ég að nóg væri komið af þessu og sit ég þess vegna núna á Karó. Ég meina í guðanna bænum, ég var byrjaður að fá ofbirtu í hvert skipti sem ég sá ljós. Ég var eins og liðið lík. en já... leikurinn endurtekur sig næstu helgi! En þetta er ekki allt. ó nei, ó nei. Það eru stórar fréttir í vændum. Eins og sumir vita þá hef ég verið að leita mér að vinnu, ja... það þýðir ekkert. Maður þarf að bíða eftir því að vinnan leiti mann sjálfan uppi. Það vill svo til að Leikfélagið hefur núna ráðið mig til að hanna og brjóta saman leikskrána fyrir þau og ætti ég að fá ágætis summu fyrir það verk þó ekkert til að hrópa húrra fyrir en nóg til að fjármagna flugmiða minn til Svíþjóðar eða hér um bil. Kætir þetta mig mjög, ég bara vona að ég nái að klára þetta því ég þarf að klára þetta fyrir föstudaginn. *gúlp*. Annars hef ég ekkert meira að segja, góða nótt. góða nótt, heilaga farsótt Hvað er að? er þér ei rótt? Að læðast, að fæðast, Smitandi spegla, þeir þig klæðast komdu nær...

Platónskir Neytendur

2005-11-24T08:23:00.000Z

Heillaskeyti berst Flýgur yfir ánna miklu Allt í einu... gengur allt saman upp Ekki nema þó í einn dag. einn dagur er nóg Ég skrifa þessa færslu klukkan 00:47, semsagt á Fimmtudagsmorgni tæknilega séð (sendi þetta þó ekki á netið fyrr en á “morgun”), áður en ég leggst upp í rúmið mitt til þess eins að geta staðið upp aftur endurnærður eftir um það bil 6 tíma. Þessi dagur, eða réttara sagt gærdagurinn, miðvikudagurinn, var mjög viðburðaríkur. Byrjaði að sjálfsögðu að skella mér í skólann og læra margt mismunandi nytsamlegt. Íþróttir settu svo sinn svip á daginn með danskennslu, skotbolta og kistubolta, hressandi. Eftir það var franska og félagsfræði eins og oftast á miðvikudögum. En eftir það var förinni heitið á bókasafnið þar sem ég lærði eilítið fyrir morgundaginn. Þegar klukkan nálgaðist fjögur leitið þá skellti mér inn í tölvustofu MA og beið eftir því að hin víðfræga hönnunarnámskeið Ara byrjaði. Hún byrjaði 16:30. Um 5 leitið fæ ég SMS frá Systu (stelpa sem “heitir” Systa, ekki systir mín) um að gera svo vel að drulla mér á Kaffi Karólínu (ok, hún sagði “Karó?” en þetta er áhugaverðara á minn hátt) en ég lýsti yfir þeirri staðreynd að á námskeið hönnunar ég væri á. Og stóð sú námskeið til klukkan kynlíf (sex) og komst ég loksins út úr skólanum klukkan hálfsjö og skellti mér heim í íbúð mína og át þar stafasúpu og brauð með eggi. Eftir þá neyslu ákvað ég að leggja mig og leggja mig gerði ég. Og aftur fæ ég símhringingu og í þetta skiptið skipar Gyða mér að drulla mér á Karó, ég neita, en segist koma um níu leitið. Á kaffi karó gerðist margt sniðugt, eins og tildæmis sú staðreynd að ég pantaði mér Café Latté. yndislegt kaffi. Svo hékk ég bara í tölvunni minni, og sama gilti um Gyðu og vinkonu hennar. Svo gerðist það skemmtilega að Gyða hellir vatni yfir ferðatölvuna sína og að sjálfsögðu er tölvan núna orðin að brotajárni, steikt rafeindahrúga. ég finn til með henni... Gyðu það er að segja. Annars hef ég lítið að segja. Vonandi líkaði ykkur þetta yfirlit yfir daginn, og einnig ljóðið (sem ég er ekki alveg að “fíla” sjálfur þó) Verið sæl Undirritaður, Titraður og Vel-dritaður

Veruleikur

2005-11-22T22:11:00.000Z

Hóra veruleikans allt sem við gerum er gegnsýrt af vændi ekkert er eftir... ...nema kaldur líkaminn Hvert er nafnið? hver er lygin? Lífið, sálin, líkaminn. rakst á þessa færslu á vefleiðara Stefán Þórs, íslenskukennaranum mínum og forvarnafulltrúa MA. Fannst þetta áhugaverð lesning. veit ekki afhverju... fannst hún áhugaverð. Annars hef ég ekkert að segja, life is like life.. like usually. og bara ekkert að frétta. Þannig að ég kveð að sinni.

T.I.L er til

2005-11-17T23:55:00.000Z

Lífið er skrýtið, það virðist ekki vera neinn einn tilgangur lífsins ekki nema við lítum á þá kenningu að það sé líf eftir dauðann og hér á jörðinni eigum við að þroska sálina, gera sálina tilbúna fyrir lífið eftir dauðann. Ég trúi á líf eftir dauðann, ég hef fengið fullnægjandi sannanir fyrir því og þá er ég ekki bara að tala um blaður í einhverjum gaur eða eitthvað sem ég las um. Heldur er ég að tala um “áþreifanlegar” sannanir. En nóg um það.. ég er bara á fullu í pælingum um tilgang lífsins... er búinn að vera í tilvistakreppu við og við... Giska á að allir lenda í því einhverntímann á lífsleiðinni. En já, annars er það staðreynd, lífið er crap en maður verður að horfast í augu við það. Þýðir ekkert að aumkast yfir lífinu og halda að maður sé sá eini sem á erfitt. Það eiga allir erfitt. Það skiptast á skin og skúrir þótt skúrarnir séu oftast lengri, áhrifameiri og eftirminnilegri. En allavega, í dag fór ég á fyrirtækjaröllt.. var að selja auglýsingapláss í Muninns blaðið... Enginn vildi skella auglýsingu í blaðið. Semsagt, rölltið, eða rúnturinn réttara sagt (Addi var driver) var algjörlega tilgangslaust. Annars hef ég mest lítið að segja, náði að semja lag áðan fyrir T.I.L, það var ágætt. Held að “the creativity block” sé að losna. frábært. Þriggja ára ritstífla er frekar pirrandi. Verið þið sæl, fólk og annað! velritaður, undirritaður, dagritaður, óritaður og skjálftaritaður kveður

Topic of choice.

2005-11-13T22:33:00.000Z

ég sit hér á karó, aleinn... gengur ekki, gengur ekki... Ég þarf líka virkilega að fara að fá Internetið í íbúðina mína. gengur ekki, gengur ekki. Annars er ég mjög stoltur af mér, þessa helgina er ég búinn að vera mjög duglegur að elda alveg sjálfur. Og ég er ekkert að tala um að elda núðlur eða álíka heldur the real thing. :) Í dag tók ég mig meira að segja til og ákvað að vaska allt upp, skella í þvottinn og svo framvegis. Það var ágætt. Drap tímann þannig. aumingja tíminn, ætli einhver sakni hans? Annars er lítið að frétta. Ég á að skila félagsfræðiritgerðinn á morgun, kláraði hana fyrir tvem vikum... fattaði svo reyndar áðan að ég átti eftir að skrifa smá part, vonandi næ ég að klára það fyrir svefninn. ha? hvað gerðist um helgina? viljið þið vita það? fór ég á djammið? nei... Það eru allir að hneykslast á því að ég hafi ekki farið á Hlíðarbæja ballið og var mín greinilega saknað, en hvað með það, ég var í góðra vina hópi heima hjá mér, sötrandi áfengi og LAN-andi (hóptölvuleikjaspilun, warcraft 3/stríðskraftur hinn þriðji) alla nóttina. (semsagt, hékk með Hansa og Sindra) Svo skellti ég mér á VMA LAN-ið daginn eftir, var þó stutt þar, Makkamaður á ekkert heima meðal sveittra PC notenda sem spila eingöngu Counterstrike (gagnsókn). Ég tók þó nokkra leiki í Marathon og fór svo á Battle.net og spilaði smá warcraft 3. Það var ágætt, fór þó heim fyrir kvöldmat... eldaði mér Fajitas með hakki og eggi, það var sérstakt. Hringdi í Báru í dag, hún hefur það gott, enda er allt yndislegt þarna í Svíþjóð og ég ætla að sjálfsögðu að reyna að skella mér þangað í Febrúar. Annars hef ég ekkert að segja nema það að ég verð að segja að þið fólk, eruð alltof löt við að leggja skoðun ykkar á vefleiðara minn. koma nú!! verið sæl, fólk og annað. Kærar kveðjur Undirritaður, velritaður og yfirstrikaður.

Áburður Framtíðarinnar

2005-11-13T01:23:00.000Z

Þú ert stak í mengi alheimsins Allt sem þú hefur gert, hefur gerst áður Sagan endurtekur sig, með eða án þín Þú ert ekkert nema áburður framtíðarinnar

KITLERINDÍ!

2005-11-10T00:01:00.000Z

ÉG VAR KITLAÐUR AF ÓLU! OMG,ZOMG,OMG! 1. Sjö hlutir sem ég ætla að gera áður en ég dey • Koma af stað almennilegri hljómsveit • Gefa út geisladisk • Giftast • eignast börn • eignast barnabörn • kúka í bleiju meðan ég er á elliheimili • plana jarðaförina mína og skrifa erfðaskrána 2. Sjö hlutir sem ég get • Andað • Sofið • Migið alveg sjálfur án hjálpar • Gengið • Losað mig við hægðir • Sturtað niður • Sett á mig smokk með hjálp leiðbeininganna sem fylgja smokkapökkunum, guð blessi þær leiðbeiningar. 3. Sjö hlutir sem ég get ekki • Lifað í einn dag án þess að anda • Lifað í tvo daga án þess að anda • Lifað í þrjá daga án þess að anda • Lifað í fjóra daga án þess að anda • Lifað í fimm daga án þess að anda • Lifað í SJÖ daga án þess að anda (ég get lifað í sex daga) • Lifað í átta daga án þess að anda 4. Sjö hlutir sem heilla mig við hitt kynið • Persónuleikinn/sálin • Andlit • Röddin • Líkami • Tónlistasmekkur • Háls • Rassinn 5. Sjö frægir sem heilla mig • Mike Patton • Jeff Ament • Alanis Morrissette • Stone Gossard • Ég • Åsa Rydman • og aftur... Mike Patton 6. Sjö setningar eða orð sem ég nota mikið • MACINTOSH!!! • APPLE!!! • tíhí • ta ta • kveldið • MARATHON!!! • Jjjjjáááá... (þegar kennarinn er með nafnakall) 7. Sjö hlutir sem ég sé einmitt núna • Kaffihús • Kaffi • Kaffibolli • Kaffikona • Kaffiborð • Kaffiskeið • Kaffiskán Ég hef hér með ákveðið að deila ábyrgðinni á kitliríinu með Nínu, Nínu, Nínu, og að sjálfsögðu, henni Nínu.

Caffe Latté

2005-11-09T23:19:00.000Z

Hér sit ég, á kaffi karó, að bíða eftir meisturum Nínu og Ólu, og ætluðu þær að koma fyrir löngu síðan. En svona er þetta, stúlkur alltaf svo leeeeengi. Annars hitti ég Gunna Liljendal og Tóta hérna áðan og lentum við í miklum heimspekilegum umræðum um þá hugmynd að panta pizzu hjá dominoes, koma svo nakinn til dyra þegar pizzan kemur. Og kalla síðan, “hey strákar, pizzan er komin!” og þá koma 5 aðrir naktir strákar, (og einn kannski í leðurdressi) og allir tilbúnir að borga. Voru þetta mjög heimspekilega og siðfræðilegar pælingar og var að sjálfsögðu gaman af þeim. Svo kom Muninnstýra frú Steinunn einnig á svæðið og spjallaði eilítið við mannskepnuna (semsagt, mig) en hélt hún svo upp á efri hæðina en ég varð einn eftir á neðri hæðinni með iBook tölvuna mína. Annars er lítið að frétta, Er bara að njóta Caffe Latté, fyrsta skipti sem ég hef pantað annað en Swiss Mocca hér á Kaffi Karó. Undarleg tilfinning. Og Ólöf og Nína ekki enn komnar... ojæja... og fólk.. endilega kommenta! ég meina, skrifa skoðanir sínar!!! Það skrifar enginn... (fýldur broskall)

Stuttur, Langur dagur!

2005-11-08T21:39:00.000Z

Dagurinn í dag var helst til sérstakur. Mætti í skólann klukkan 8:10, skellti mér í tvöfaldann stærðfræði klukkan 8:15 og losnaði úr því helvíti klukkan 9:40. Venjulega er ég búinn í skólanum klukkan 16:05 en í þetta skiptið var ég búinn klukkan 9:40. Það vildi svo til að veikindi kennara og aðrar ástæður röðuðust þannig upp að ég losnaði við alla tíma eftir stærðfræði og fyrir hádegi. Svo vildi svo til að eftir hádegi ákváðu kennarar að mótmæla einhverjum fjandanum og þá var dagurinn kominn. Frí allann daginn. Ég ákvað því að skella mér niður á Glerártorg og versla smá sem ég gleymdi að versla inn í gær. Endaði það svo með því að ég settist niður á bekk á Glerártorgi og át þar Draum og drakk Fanta og kemur þá einhver aldraður maður og sest á sama bekk. hálftíma síðar kveð ég hann eftir miklar umræður um Miðfjörð, veður, og Húnavatnssýslurnar og ættfræði þar í sveitum. Af einhverjum ástæðum finnst mér alltaf ánægjulegt þegar fólk tekur á tal við annað fólk án þess að þekkja það. Merki um að mannveran er ennþá mikil félagsvera og þetta snýst ekki ennþá bara um ópersónulegt og taumlaust nám og vinnu eins og er byrjað að tíðkast í sumum löndum. Síðan var haldið heim á leið, byrjuð á heimasíðuhönnun fyrir amor e morte og eftir það skellt sér á stuttann munins fund í skólanum. Þaðan fékk ég svo far með Villa heim til mín og hér er ég... Það sem hugur um snýst Er allt það sem þú kýst Blessuð sálin, geri ég allt Viðheld vor böndum, þótt mér sé kalt Er þér kalt? Er allt falt? Strái á ísinn margfalt salt Ætla mér ei að falla Sál þína, á ég kalla Kvöldið mun síðan fara í 2/3 T.I.L æfingu ekki nema ég nái sambandi við hana Kristjönu en annars verður æfingin bara haldin í mínu heimahúsi eða íbúð réttara sagt mun æfingin að mestu snúast um tilgangslaust glamr hjá mér og Hansa. Svo mjög líklega kaffi karó... ætla þó að reyna að láta vatnsglas duga í þetta skiptið. Er að spara fyrir svíaveldisreisu. Ætla að reyna að komast til elsku Báru minnar í Febrúar næstkomandi. Verð að komast, get ekki lifað án hennar í svona langann tíma... Í svíaveldisbauk minn eru núna komnar heilar 1000 krónur. Og eftir um viku mun sú tala hækka um 3000-4000 kall. Síðan á ég eftir að reyna að finna mér einhverja tímabundna vinnu til að hala inn smá pening. Í rafrásir tal vor leiðir Aðeins ein rödd er tengd Því þú annað líf deyðir Ég, Blindaður af vegalengd Annars hef ég ekkert meira að segja, kveð að sinni, undirritaður viðbót: nú komst ég loksins á netið til að skella þessu á vefleiðarann. Og það varð ekkert úr T.I.L æfingunni... ojæja... PS: ég sakna Báru

Það sem við lifum fyrir...

2005-11-07T22:59:00.000Z

Er unga kynslóðin ekki fyndin, ég meina yngri kynslóðin. Eða réttara sagt hvernig við létum þegar við vorum yngri. Ég var bara beinlínis að fá “flashback” núna rétt áðan en það vill svo til að er ég skrifa þessa færslu sit ég í rútu á leiðinni aftur á Akureyri og vill svo til að klukkan er fimm mínútur í tólf. Krakkar sem sitja hérna fyrir aftan mig, ekkert sérlega gamlir en þó eitthvað rétt í kringum 12-14 ára aldurinn. Jafnvel eldri... en já, sitja þessir krakkar hérna og eru að fíflast við að spyrja hvort annað hvort það vilji byrja með sér og síðan koma svör eins “oj! hann? ALDREI!”... Þetta vekur svo margar minningar. Minnir mann á það þegar maður var ungur og vitgrannur. Ó, þessar minningar. Annars er mest lítið frá að segja þessa stundina, er mjög líklega að fara að eyða smá krónum í fatakaup en ég er búinn að eyða um 5000 kall í nýja úlpu. Svo mun fara um 4500 í nýja yndislega peysu. Og svo kannski kaupa einn bol í DOGMA á eftir því. Svo bara læra, um kvöldið síðan smávegis spilerí með Hansa. (spurning hvort 2/3 af T.I.L ætli að taka þátt á Stiðarvauk) og síðan auðvitað Kaffi Karólína. Gvööööð, ég hef verið að farast úr kaffi-karólínu-leysi yfir helgina. Fráhvarfseinkennin hafa verið ofvirkni, drápsfýsn og Backstreet Boys söngl í of háum skömmtum. Nei, kannski ekki alveg svo slæmt en ég held að ég hafi gert mál mitt skýrt. I NEED COFFEE!!! (og já, það er ekki hægt að gera mál sitt skýrt nema nota enskt ritmál til þess, kaldhæðni, kaldhæðni, hóst) Talandi um ensku, enskan er að taka yfir heiminn, ekki spurning, þökk sé hinum gríðarlega veraldarvef hefur enskan hreint út sagt gerst sjálfkrafa heimstungumál líkt og latínan hér áður fyrr. Ef ég man rétt voru það Latverjar sem töluðu latínu en Latverjar ásamt nokkrum öðrum þjóðum eiga sök á Grikklandi hinu forna. Eftir hvað Grikkland varð stærra og voldugra breiddist Latínan út eins og eldur í sinu og hjálpaði það einnig til að nokkrum þúsundum árum seinna myndaðist hið mikla Rómaveldi og héldu þeir uppi heiðrinum og töluðu Latínu ef mig minnir rétt. Semsagt, sagan endurtekur sig. Ég vil þó stuðla að því að íslenskan muni lifa eins lengi og hægt er og ætla ég að reyna að vernda hana á sviði tækninnar. Því allar tækninýjungar eiga það til að taka á sig ensk heiti eins og tildæmis blogg og e-mail. Þannig að það sem ég ætla að gera er að reyna eins og ég get að nota hin réttu íslensku heiti og í leiðinni reyna að smita aðra af þessari gríðarlegu íslensku ást minni. Ég held samt að þetta sé komið nóg í bili, ekki beint þægilegt að notast við tölvu í þröngri rútu. Þannig að ég hef ákveðið að leggja mig þangað til ég kem á Akureyri. Sjáumst heil og sæl. Undirritaður, velritaður og yfirstrikaður kveður. J.G.

Ljósmyndir

2005-11-06T23:21:00.000Z

Þessi færsla hér mun semsagt standa undir þeim erindagjörðum að vera myndasíða fyrir tækifærismyndir á þessum vefleiðara. Myndirnar hér eru ekkert flokkaðar. Bara einstakar og mis-áhugaverðar myndir úr lífi mínu. Bara svona "snapshots" eins og það kallast. Njótið vel. Ég á Árshátíð MA 2004-2005 Esmundurinn og Frikki Death, Busun MA 2004-2005 Danni Deathtrap Pakkið (frá vinstri: Davíð, Anna, Bára, Ég) Frímann í fýlu? Ég aftur! ego meira ego ennþá meira ego Katha systir! Sindri Jó norsadjöfull ;) Yndislega gömul mynd af sjálfum mér, tíhí! Þetta kallast að vera vel gúgglaður (eða Elton-aður, að sögn Villa). Inglingur og Andri på danmark.

stutt og laggott

2005-11-06T14:31:00.000Z

Meaning of life is yours to create PS: fólk... commenta!

2005-11-05T22:34:00.000Z

Eitt yndislegt við þetta forrit sem ég nota. Full Screen fídusinn. Þannig get ég einfaldlega einbeitt mér að því einu að skrifa og ekkert annað. Af einhverjum ástæðum finnst mér það yndislegt. Engir takkar eða neitt. Bara algjörlega hvítur skjár með svörtum texta (eða svartur skjár með grænum texta ef þú ert í matrix fílingi, getur breytt litunum eins og þú villt) En nóg um þetta forrit (MacJournal) því ég ætla að tala um plön mín í dag. Það vill svo til að ég er að skrifa hluta þessarar færslu klukkan 1507 (15:07, ég er að reyna að vera army-legur) en þessi færsla fer mjög líklega ekki inná vefleiðara minn fyrr en seinna í kvöld. en ég er semsagt í Ford ekónlæn á leiðinni til Frímanns á Hvammstanga. Hef ekki hitt hann í andskoti langann tíma og það er bara kominn tími til að heilsa upp á kappann. Og kannski maður kíkji á fleiri kappa ef tími og tækifæri gefast. Ég er að pæla í að bæta inn nokkurskonar “myndasíðu” hérna inn með bara svona tækifærismyndum úr mínu lífi. Ekkert photo album tæknilega séð enda er myndavélin mín biluð en annars er netmyndaalbúmið mitt að finna á http://esi.fotopic.net ef ég man rétt en það hefur ekki verið uppfært síðan einhverntímann á síðasta skólaári en þó eru nokkrar skemmtilegar myndir þar. En á þessari myndasíðu sem ég er að tala um verða bara svona stakar myndir eins og fyrirfinnst á mörgum vefleiðurum vina minna. Bara svona uppröðun af skemmtilegum myndum. Og hef ég reyndar hugsað mér þar sem blogspot bíður ekki upp á neitt sérstakt síðukerfi þá verða myndirnar geymdar í bloggfærslu sem mun síðan verða tengill á í tenglalistanum hér til hliðar. Mjög svo sniðugt. Ég gerði smá tilraun um daginn eða réttara sagt tilraun á því hvort ég ætti að gera eina tilraun. Það vill svo til að ég er hér með í höndunum forrit sem getur skannað þráðlaus svæði í sérstökum radíus og gefið mér allskonar upplýsingar um það net og býður forritið jafnvel upp á það að brjótast inn í net (en ég er ekki með búnað til þess þannig að...) og þegar ég keyrði í gegnum Hvammstanga í gær þá komst ég að einu skemmtilegu er ég kveikti á skannanum. á þessari stuttu ferð minni sem var kannski í gegnum 1/5 af Hvammstanga fann ég 14 þráðlaus net og voru þau ÖLL til fyrirmyndar. Hvert eitt og einasta var WEP læst. Mér finnst svo ógeðslegt þegar maður er á Akureyri eða í Reykjavík og maður getur komist inná þráðlaus net hjá fólki eins og ekkert sé og þegar það gerist þá er maður eiginlega skyldugur til að misnota þessi net svo fólkið læri af lexíunni og læsi netunum. Til dæmis er ég ekki með neitt internet í íbúðinni minn en ég get skellt tölvunni út í glugga og náð internetinu hjá nágrannanum. Og oft þegar maður er að keyra í gegnum Reykjavík þá stoppar maður á vel völdu svæði á laugarveginum og misnotar internetið þar. Fólk... LÆSIÐ netinu ykkar!!! En já, þið Hvammstanglingar eruð til fyrirmyndar. Er reyndar rétt ókominn að Hvammstanga og ætla að kveikja aftur á skannanum svona til að tjékka aftur á þessu. Fer líka aðra leið í þetta skiptið. Gá hvað ég næ mörgum netum. Nóg um þráðlaust net og önnur spútnik. Lífið er byrjað að ganga hægt og rólega sinn vanagang. Er byrjaður að jafna mig eilítið á þeirri staðreynd að Bára er farinn suður og svo á morgun til svíþjóðar og ég mun ekki hitta hana í annað hálft ár. Maður er þó eilítið í rusli og ég á örugglega eftir að verða í andskoti skemmtilegum fíling á næstu vikum en þetta lagast hægt og rólega. Vonandi... viðbæting: Fann eitt þráðlaust net á Hvammstanga sem er ólæst! omg! :P

Ógallinn var gallaður

2005-11-04T21:03:00.001Z

Já, forritið er nú ekki alveg svo heilagt, semsagt forritið sem ég nota við vefleiðaraskriftir nú til dags eða bloggskriftir eins og það vilja svo margir kalla þetta. Mér finnst að það ætti að gera eitthvað gegn þessu orði, Blogg... þetta er svo ógeðslegt orð. Þetta semsagt er komið frá orðinu Blog sem er mjög svo sérstök stytting á ensku orðunum Web log eða Vef leiðari/skýrsla/skrá. (eða Vefdrumbur eins og ég vil kalla þetta á góðum degi) Ég ætla allavega að byrja núna því að heyja stríð gegn innleiðingu orðsins “Blogg” inn í íslenskt samfélag eða réttara sagt gegn frekari þróun þess þar sem það er þegar komið í málið og bara spurning um tíma hvenær þetta kemur í orðabækur ef ekkert verður við hafist. En nóg um Blogg og meira um forritið sem ég fann. Það vill svo til að þetta forrit kallast MacJournal og er nokkurskonar dagbók og get ég látið þetta senda á vefleiðara minn og er ég með tvær dagbækur núna í þessu. Semsagt The Esmundur sem er vefleiðari minn, og svo síðast en ekki síst mín persónulega dagbók sem ku vera læst frá almenningi því þar er að finna djúpar hugleiðingar mínar um persónuleg mál mín og önnur og álit mitt á öllum fjandanum. Semsagt The Esmundur er ritskoðuð útgáfa af þeirri dagbók ef það mætti kalla það á þann hátt. Gallinn sem kom upp í forritinu er ekki beint galli en heldur frekar það að það vanti einn “fídus” (afsakið slettuna) í þetta forrit en það vill svo til að þegar er skoðað vefleiðarafærslur mínar í stjórnborði blogspot.com/blogger.com þá einfaldlega fæ ég virkilega skrýtinn texta eða réttara sagt allir íslenskir stafir eru skiptir út fyrir mjög svo skemmtilegann kóða sem allir ættu að læra. Spurning hvort ég láti mig hafa þetta, kvarti við þá eða hætti bara að nota þetta forrit... Það er spurning. Dagur 2 án Báru, ég er ennþá á lífi. Bára er fyrir sunnan, skemmta sér á Kaffihúsum og álíka ásamt ágætis fólki myndi ég giska á. Vonandi hefur hún það gott. Svo fer hún til Sverige á sunndag hinn næstkomandi. Vonandi mun henni líða vel. Svo þarf ég bara að fara að reyna að finna mér vinnu, bara eitthvað smá. Kannski Kaffi Karó. Það má alltaf reyna það.

ódýrt!

2005-11-03T23:38:00.000Z

Er núna komin með yndislegt forrit fyrir vefleiðarann og í þetta skiptið ætla ég að nota það enda sýnist mér það vera frekar gallalaust. Annars sit ég hérna á Kaffi Karólínu einn... mest allir hangandi á Oddvitanum hef ég heyrt þannig að enginn kemur hingað. Annars í öðrum fréttum þá var Bára hjá mér núna í viku en flaug suður í kvöld og fer svo til Sverige á sunnudaginn. Þannig að ég er einn og yfirgefinn og mun ekki hitta hana fyrr en vonandi í Febrúar en í síðasta lagi seinni part næsta sumars. Lífið er ekki fullkomið, langt í frá, enda er lífið ógeðslegt, en það er ógeðslegt hjá öllum og málið er bara að hætta að vorkenna sjálfum sér og bara halda áfram, aldrei líta til baka. Ég held að ég geti sagt að lífið mitt hafi innihaldið nokkra árekstra og hafa þeir oft hennt mér djúpt niður þá hef ég alltaf reynt að standa upp aftur, horfa fram á við og láta ekki fortíðina pirra mig. Og hef oftast lifað við þá reglu að það sem drepur mann ekki gerir mann sterkari og ég held að það sé algjörlega rétt. Og ef ykkur finnst ég opna mig eitthvað mikið á þessum vefleiðara þá verðið þið bara að sætta ykkur við það. Vefleiðarar eru góð aðferð til lækningar á öllu mögulegu. Leti, leiða, þunglyndi, offitu og svo framvegis. Þannig að hér er ég, reynandi að lækna mig af offitu.. svona næstum því. En já, Gaman af þessu. Ég var í söguprófi í dag. Gekk virkilega vel. og já, Júlíus Sesar var tvíkynhneigður. Svo má líka nefna það að ég er mjög líklega að fara heim í blessaðann miðfjörðinn á morgun (föstudaginn). Í fyrsta skipti síðan MA byrjaði núna þetta skólaárið. Verður gaman að kíkja heim og slaka á. Get ekki beðið. En allavega, orðin læti hér á kaffi karólínu, fólk byrjað að fyllast smá og kætingurinn komin yfir velsæmismörk mín þar sem ég er þreyttur, pirraður og edrú. Þannig að ég er farinn heim í háttinn. ódýrt ljóð, ekkert fljóð Finn kaffikeim, á morgun heim Viðbæting: Óla frænka og Gyða voru að hringja, þær eru á leiðinni, ætli ég verði ekki smá stund lengur á Karó.

D3

2005-11-01T09:27:00.000Z

Tvíeðli, er ég held á seðli gef okkar mál, sel okkar sál Leyfðu okkur að lifa Láttu lífsklukku vor tifa

Tónleiðari 2

2005-10-26T23:36:00.000Z

Kominn tími á nýja færslu held ég barasta og að sjálfsögðu mun ég halda í hefðirnar. Mp3 vefleiðari, ljóð og svo framvegis. Ef þið vitið það ekki þá er semagt mp3 vefleiðara færsla, blogg færsla sem inniheldur tengla á ágætis tónlist sem ég mæli með. Og þið getið semsagt halið niður þessari tónlist á tölvuna ykkar fullkomlega löglega. Og skulum við byrja á þessu! Zensor - Epikris Ugly Mugs - Bill & Clay My Silo - Beautifully Ashamed Hljómsveitirnar Zensor, Ugly Mugs og My Silo sjá um tónlistina í þetta skiptið. Zensor er semsagt Industrial metal hljómsveit (NIN, Rammstein...) frá Noregi ef ég man rétt, My Silo er alternative rock/indie sveit frá Bretlandi og Ugly Mugs eru bandarísk sýru hljómsveit sem er eiginlega alls ekki hægt að líkja við neitt. Samt sem áður YNDISLEG tónlist. mæli sérstaklega með Ugly Mugs. Hvað hef ég verið að gera upp á síðkastið? ja.... klára félagsfræði ritgerð, læra undir próf, læra, sitja heima í tölvunni, læra, elda mat svo ég geti nærst, og hanga á kaffi karó. Svo einfalt er það. gæti ekki verið einfaldara.

einfalt, seint falt úti jafnt og inni kalt vatnið frosið, sálin frosin Mikið er hún hörð, blessuð Kvosin

ég ætlaði að botna þetta á miklu listrænari hátt og í takt við ljóðið en rímið bauð uppá þetta og ég bara gat alls ekki staðist freystinguna. blessuð Kvosin, blessuð Kvosin. En allavega, ég sit hérna á kaffi karó, klukkan orðin 23:36 og ég held að það sé barasta best að drífa sig heim í litlu sætu íbúðina mína. góða nótt allir saman nú, verið sæl, fólk og annað.

Tónleiðari

2005-10-24T20:53:00.000Z

Engin fleiri rusl comment munu núna koma á þessa síðu þar sem það er komið "word verification" dæmi á þetta. Smá óþægindi kannski fyrir ykkur en hverjum er ekki sama. Nobody cares about your interest. Talandi um Maya ritgerðina þá eru komnar yfir 4 blaðsíður og ég er í góðu stuði. Svo er náttúrufræði próf á miðvikudaginn og stærðfræðipróf á föstudaginn. fun fun... Annars er ég að pæla í að bæta við þennan vefleiðara aðeins. Er að pæla í að hafa ljóð, myndir og svo mp3 blogg einnig sem virkar þannig að ég pósta linkum til að downloada tónlist fyrir ykkur. Reyni að halda þessu á löglegu nótunum þó og birti þess vegna tónlist sem er dreyfð á netinu löglega. Lítum á þetta sem innskot í tónlistasmekk minn og kannski tækifæri fyrir fólk til að finna einhverja nýja tónlist. Og já, hér kemur fyrsta mp3 blogg mitt. BOB - The Reign of Mother Mortar BOB - Under the Influence of my Bloody Valentine Danni og Dixieland Dvergarnir - Blautur Sokkur Gleðigengi Gvends - Unni Kamp Knox - The Grand Wonderland Ask the Slave - Little Red Rooster Bakkvolkers - Vivace con Brio e Spirito The International Lovers - De-Spice Og þá er það komið, öll lög hýst á rokk.is. Mest allt yndisleg tónlist (og sumt reyndar mín eigin tónlist, T.I.L og Gleðigengi Gvends) Svo er náttúrulega ljóðið. Sit ég hér, mekka svarta vökvans Geri allt í takt við dans eins svans

gömlu góðu dagarnir

2005-10-23T17:13:00.000Z

langaði bara til að rifja þetta upp... Einhver sem man eftir þessu? En allavega, ekkert mikið að frétta, gengur hægt með ritgerðina.. mjög hægt, en annars er það að frétta að White Stripes eru víst að koma til landsins í Nóvember. Happy Happy joy joy. En ég held að ég verði bara að fara að drífa mig að halda áfram með þessa ritgerð! einn, tveir þrír fjórir, fimm, sex sjö, átta, níu tíu, ellefu, þrettán

Fegurð Gleymskunar

2005-10-22T23:21:00.000Z

já, ég er einmitt að pæla í að vekja upp gamlan sið hjá mér, að með hverri færslu semji ég eitt stykki ljóð. Eins og þið sjáið á síðustu færslum þá er ég reyndar byrjaður á þessu, en já, bara að láta ykkur vita. Annars er dagurinn í dag búinn að vera skrýtinn. Ætlaði að vera duglegur með ritgerðina en eftir að ég fattaði þetta með gatið á skjánum þá er ég búinn að vera ein stór taugahrúga allan tímann. Virkilega pirrandi. Svo má nefna það að ég fór á Karó í kvöld, Kaffi Karó það er að segja og það má segja frá því að þar voru tveir útlendingar sem fengu að láni pappaspjald og liti hjá konunni sem var að vinna þarna (veit ekki hvar hún hefur fundið liti, en hvað með það...) og þeir tóku spjaldið og skrifuðu á það "Stop "rúnta", You can do better!", fóru þeir síðan út og teipuðu þetta spjald á einhvern bíl úti. Fannst mér þetta ALGJÖR snilld og verðugt framtak gegn hinu tilgangslausa rúnt æði sem er ríkjandi hér á Íslandi. Fegurð gleymskunar Að lifa í lyginni, það munar ávallt forðast sorgina Mun að eilífu, reisa borgina

Haf Gleymskunar

2005-10-22T21:24:00.000Z

Er allt leikur í lyndi er í hafi gleymskunar ég syndi stend á barmi þessu yfirborði hægt og rólega, orð af orði

SLÆMUR DAGUR!!!!

2005-10-22T16:18:00.000Z

það er gat á skjánum mínum... það er GAT á skjánum mínum eða réttara sagt hola... ég er ekki að grínast, það er hola á fartölvuskjánum mínum og þetta er VIRKILEGA skrýtið.

jarm

2005-10-22T15:42:00.000Z

Gærkvöldið var helvítið nett (eins og sést á færslu fyrir neðan) en ég eyddi semsagt kvöldinu í bekkjarpartý. Partýið leistist reyndar upp um 1 leitið og mest allir fóru niðrá kaffi karó eða í sjallann en ég ætlaði á Karó en snerist svo hugur á leiðinni niðreftir og fór því staðinn bara heim. í dag mun ég síðan læra, læra, læra og læra... og þá sérstaklega skrifa ritgerð. Svo skella mér á karó í kvöld vonandi. Og það má endilega einhver koma með mér, nenni ekki að fara einn. jæja, hver er game fyrir karó? ps: mynd tekin af dagsljos.is

I double dare you to say what again!

2005-10-22T01:12:00.000Z

Fiktar, fiktar ei þú veist er þú lyktar fimm, tíu, og tveir, fimm, tíu, og tveir ert þú, stjórnað, eins og leir vil taka það fram að ég er að skrifa þetta meðan ég er undir áhrifum áfengis, og já ,góða nótttgbvb. undirreritaður og velritaður Esmunndur.

Chichen Itza

2005-10-21T12:00:00.000Z

En hvað það er gaman að skrifa ritgerð um Maya indíjána, reyndar var þetta blanda af kaldhæðni og heilögum sannleika. Þetta er mjög svo áhugavert efni en það vill svo til að ég einfaldlega nenni ekki að skrifa heilar 6 blaðsíður um þetta. Og plús þetta gengur ágætlega hægt. Annars er það í öðrum fréttum að ég er búinn að vera að læra hægt og rólega á Korg effectinn minn sem ég keypti núna um daginn. Kominn með nokkur The International Lovers "hljóð" inní þetta tryllitæki og er búinn að eyða miklum tíma í að láta þetta hljóma "just right". Kuldi, hvítur fáni Vindar ljúka láni Hvað get ég gert? útlitið svert Nóg komið af þessu... verð að drífa mig í Félagsfræði tíma. Heil og sæl fólk og annað. Undirritaður

Fimmtudagur í lífi málmdvergs

2005-10-20T10:48:00.000Z

Djúpir vindar, upp og niður Hægar sveiflur, enn sá siður Svartir hundar, gelt og glefs Fastur að eilífu í skolti refs Dagurinn er búinn að vera ágætur, fimmtudagur, ég er semsagt núna í hádegi, tvöfaldri eyðu réttara sagt og það vill svo til að ég er að spökulera í að nota tækifærið og skella mér í djúpu laugina, eða réttara sagt 6 blaðsíðna ritgerð í Félagsfræði um Maya indíjánana. Bara að skella mér inná bókasafn eins og ekkert sé og byrja á þessu helvíti. Ég ætlaði að byrja í gær en ég var dreginn á Kaffi Karó og hékk þar ansi lengi. Margt var af fólki og glens mikið og gaman. Ég ætlaði nú að eyða deginum í dag að miklu leiti í ritgerðina en ég þarf að mæta út í skóla um 8 leitið þar sem ég er að fara að sýna Cowboy Bebop the movie fyrir hönd AniMA félagsins. (formaðurinn kemst ekki og þar sem ég er varaformaður...) og auðvitað mæli ég með því að ALLIR mæti á þennan einstaka viðburð. Svo er bekkjarpartý á föstudaginn, spurning hvort maður mæti, spurning... Annars hef ég lítið annað að segja, er reyndar frekar þreyttur og reyndar ef ég á að vera alveg hreinskilinn þá er dagurinn búinn að vera pínu shitty. En það er annar dagur eftir þennan dag þannig að það er allt í lagi. Sælt veri fólk og annað Undirritaður, yfirritaður og velritaður, The Esmundur AKA. Jóhannes G. Þorsteins. AKA. Esi

T.I.L orustu!

2005-10-19T16:35:00.000Z

Já! ég keypti tryllitækið í dag!!! Korg AX1500G, hinn yndislegi gítar multi effect. (aðeins betri en bassaeffectinn hans Sófa, hehe, PS: Sófi = Sveinn Óli) og já... alveg YNDISLEGT að spila á þetta... ég á mér ekki til aukatekið orð, ég á mér ekki til aukatekið háfleygt orð jafnvel. En allavega, fyrst ég er kominn með þetta spútnik í mínar hendur þá get ég farið að koma hljómsveitinni almennilega í gang, byrja á því að redda æfingarhúsnæði og eftir það ætti þetta að ganga allt saman upp. Hvað á að gera um helgina? já, það er spurning, ætli maður skelli sér ekki í bekkjarpartý hjá mínum yndislega bekk, 2F. og síðan bara ritgerð, ritgerð, ritgerð, ritgerð. 6 blaðsíðna ritgerð um Maya indíjánana til að vera nákvæmari. Get ekki beðið! :P en já, held að það sé komið nóg og ég ætla að enda þetta blogg með mynd af sjálfum mér sem var tekið í 1H Reunion partý síðustu helgi. (höfundur myndar: Silja Dröfn) Viðauki: (19:44) Ég vil þakka henni Evu fyrir að skutla mér út í Sunnuhlíð og redda mér fari til baka einnig svo ég gæti keypt þennan gítarpedal. (minnið mig á að finna gott íslenskt orð yfir þetta tól) og ég vil einnig nefna það að þetta tól kostaði um 16 þús. átti að kosta 16 og 900 en ég fékk afslátt sem líklega hefur verið staðgreiðslu afsláttur. :)

Klukk!

2005-10-18T17:04:00.000Z

Að mikilfenglegri vorkunn þá gat hún Ólöf einfaldlega ekki sitið kyrr við að klukka mig ekki, hún sá hversu einmana ég og hversu óklukkaður ég er, tók eftir því hvernig fólk leit niður til mín og jafnvel skyrpti á mig vegna óklukkanleika míns. Hún bara varð að klukka mig. og þá er komið að því, klukk! Fyrst langar mig að spyrja, hver fann eiginlega upp á þessu? mjög svo sniðug og rugluð hugmynd og alveg ótrúlegt hvernig hún hefur breiðst út, þetta er næstum því efni í helvíti flotta félagsfræði ritgerð en þar sem ég er að skrifa 6 blaðsíðna ritgerð um Maya indjánana og Lakadóna þá held ég að ég sleppi klukkritgerðinni. en allavega, here we go... 1. Ég var klukkaður af einskærri vorkunn. Enginn vildi klukka mig, og frænka mín klukkaði mig vegna þess, ég skammast mín 2. Ég sé illa, ég sé svo illa núna að ég sé ekki þegar ég er með gleraugun á mér, held oft að ég sé búinn að týna þeim. 3. Vegna þess hvað ég sé illa þá á ég erfitt með að þekkja andlit, og það hjálpar ekki til að ég á erfitt með að muna nöfn einnig. Stundum þá labba ég einfaldlega framhjá fólki sem ég þekki án þess að heilsa því sérstaklega því ég einfaldlega get ekki greint andlitið þeirra. Ég hef labbað þrisvar sinnum framhjá kærustunni minni... vandræðalegt. 4. Ég er að missa áhugann á Metallica hægt og rólega 5. Ég átti g-streng sem ég fékk í afmælisgjöf frá Andra og Frímanni þegar ég varð 16 ára... sælt veri fólk... og annað.

Leiðari úr Kvos MA

2005-10-18T11:58:00.000Z

Staðsetning: Kvos MA Félagsskapur: Egill hinn Mikilfenglega hárfagri og kyngimagnaði durgur Hvað einkennir Menntskælinga Akureyrar mest? jú, að sitja í Kvosinni, og þræta um stafsetningavillur á vefleiðurum annars fólks. Aldrei að segja Aldrey! já... svona er þetta. Menntaskólinn í allri sinni dýrð. Kvosin uppfull af stafsetninganasisma, annars finnst mér þetta fínt mál, stuðlar að betri íslensku hjá málvilltum og kynvilltum unglingum. Kannski ekki kynvilltum en allavega málvilltum þó. ALDREI AÐ SEGJA ALDREY Það vill svo til að ég hef einfaldlega ekkert meira að segja þannig að það er eiginlega bara best að ég fari að drífa mig að læra smá, og skella mér síðan í Íþróttir fólk og annað, verið sæl!

Þriðjudagsleiðari

2005-10-18T00:16:00.000Z

sex blaðsíðna ritgerð í félagsfræði, er það ekki yndislegt? vá... En já, svona er þetta að vera á félagsfræðibraut, minni stærðfræði og meiri félagsfræði, hehe. En allavega, það er nú kominn þriðjudagur tæknilega séð, eða fyrir 12 mínútum og ég er að pæla í að fara að sofa til að geta vaknað í skólann á morgun en Þetta verður ekkert rosalega langur dagur held ég. Enda slepp ég við tvo síðustu tímana og er því sloppinn úr skólanum klukkan hálf þrjú held ég í staðinn fyrir fjögur. Held ég noti morgundaginn til að læra allsvakalega svo ég geti byrjað á ritgerðinni fljótlega, og svo kannski ég skelli mér á Kaffi Karólínu um kvöldið. Verð nú að verðlauna sjálfan mig einhvernveginn. En já, held ég fari og fái mér eitthvað að eta núna fyrir svefninn. Góða nótt fólk og annað.

Kúrekinn Býflugu Billi

2005-10-17T09:40:00.000Z

Enginn klukkar mig, enginn sendir inn skoðanir... er ég svona óvinsæll? en skondið... en já, heng í skólanum akkurat núna, í kvosinni, í hinu rammgirta og vel varða nördahorni, og já... ég er þreyttur, en í fréttum er það að það er AniMA kvöld mjög líklega á fimmtudaginn, og verður horft á Cowboy Bebop í kvosinni á tjaldinu, og auðvitað eiga allir að mæta.

Uppgjör helgarinnar!

2005-10-16T23:07:00.000Z

jæja, ég náði að "laga" þennan vefdrumb minn, skipti bara yfir á aðra hönnun og er núna algjörlega háður blogspot.com en ekki mörgum aðilum eins og áður en þið þurfið ekkert að pæla í því. Enn og aftur hverfa skoðanirnar en þær voru hvort sem er svo fáar þannig að það skiptir ekki máli. Ég er ennþá að bíða eftir johannesg.net þannig að bloggið verður hérna í dálitla stund í viðbót, en í fréttum er það að ég er svangur.. en í öðrum fréttum er það að helgin er búin að vera ágætlega viðburðarík. Hún byrjaði tæknilega á fimmtudaginn með skálaferð með öllum bekknum, aðal bekknum í MA, öðrum eff! (2F) og var það mjög viðburðarík ferð, gönguferð með Sigga Bjarklind, önnur gönguferð með Adda í leit að gsm-sambandi langt uppá hæð, endaði svo með að síminn varð batteríslaus nokkrum sekúndum eftir að svarað var. Önnur gönguferð uppá hæð með Systu í leit að gsm-sambandi, ekki systir mín, heldur stelpa sem heitir Systa... já, sumir hafa undrast afhverju hún er kölluð þetta, en bróðir hennar byrjaði víst á þessu... en skrýtið... :P Skálaferðin gekk með ólíkindum vel, morgunmaturinn var meira að segja rosalega hollur og allir höfðu list á honum eftir heila nótt af nammiáti, það voru semsagt súkkulaðikökur í morgunmatinn og þetta var semsagt kaldhæðni hjá mér áðann. Ég, og nokkrir fleiri tókum þó upp á því eftir að finna egg inní ískáp að steikja þau á pönnu, og henda þeim á fajitas brauð ásamt öðru meðlæti og var það langtum skárri kostur en súkkulaðiterta. Föstudagurinn fór svo í leti, og svo bekkjar partý (1H reunion) upp í skeifunni sem endaði með eiginlega bara yfir 100 manns en ég fór um 1 leitið því það var ekki hægt að vera þarna, en ég heyrði svo að partýið hafi verið stoppað um 3-4 leitið af lögreglunni en við sluppum þó við kæru. En ég fór semsagt um eitt leitið, og ég og vinkona mín hún Rut skelltum okkur til Erlu og gláptum þar á Speed 1 fram að hánótt. En eftir það dreif ég mig heim í íbúðina mína og beint upp í rúm. Það var um 4-5 leitið. Laugardagurinn fór í svefn, leti og tölvuviðgerðir hjá Rut en ég gerði það til að borga skutlið dagin fyrir uppí skeifu og frá skeifunni, hehe. Sunnudagurinn, heimildaritgerð í Norskri Goðafræði (Ísl 212) um Ask Yggdrasils, var að klára hana núna um 23:00. byrjaði um 2 leitið!! GEISP!! Hef ekkert meira að segja held ég barasta, en endilega skiljið eftir skoðanir hér! þetta er orðið frekar einmannalegt þetta blogg!

+

2005-10-12T08:44:00.000Z

blurgh... Allt í rugli hér á síðunni þar sem hýsingin mín fór í ruglið... sömuleiðis fór macma síðan niður og einnig the international lovers síðan. Sorry 'bout that. fréttir? fréttir? ja... þess má geta að það er komin söngkona í The International Lovers! :D annars er ekkert annað að frétta og þar sem enginn skoðar þessa síðu hvort sem er þá segi ég bless.

2005-10-08T21:06:00.000Z

Við höfum séð allar hliðar sólarinnar, saman... Ferðuðumst, saman, hringinn. ást

2005-10-03T23:13:00.000Z

low, amazing low, dramatic low, nonsense low, no trace what is going on

2005-09-28T16:56:00.000Z

úje!kominn með æðislegt blogg forrit sem mun létta mér um mikla vefdrumbavinnu! BÚJA!

johannesg.net?

2005-09-28T10:57:00.000Z

Þetta er ennþá í vinnslu, semsagt johannesg.net en ég var að pæla í að bara færa þetta blogg einfaldlega þangað og það myndi þá verða hýst á johannesg.net/blog eða blog.johannesg.net eða eitthvað álíka. eða kannski bara vefdrumbur.johannesg.net :) og ég var þá að pæla í að hafa þetta á hinni yndislegu íslensku en Johannesg.net sjálf verður mjög líklega á ensku. Annars er þetta næstum því komið allt saman en Steve kunningi minn er að setja samann netþjóninn. Ég sit núna í íslensku 212. gaman, gaman. (ekki kaldhæðni) en annars ákvað ég að skrifa smá hingað inn því ég hef ekki skrifað á "vefdrumbafærslu" þessa lengi. Annars gengur skólinn allvel. Betur en í fyrra finnst mér allavega og ég næ frönsku og mörgu öðru miklu betur. Gjörðir mínar síðustu vikur? tölva, skóli, og kaffi karó.. that's all. aðalega Kaffi Karó... var um 6 klukkutíma þar síðasta laugardag, og líka sunnudag. :P

Gravity, no escaping.

2005-09-24T16:31:00.000Z

langt síðan ég hef sagt eitthvað hér, annars mest lítið að frétta. ennþá ekkert internet í íbúðinni. Ennþá að bíða eftir með að koma johannesg.net í gang og svo framvegis. skólinn gengur svona ágætlega, stærðfræðin smá pínu tricky reyndar en það reddast. annars hef ég ekki neitt að segja, langaði bara að láta vita af mér hérna, hehe.

www.dcbob.net

2005-09-01T20:31:00.001Z

það er ekki alveg ákveðið en ég hef verið að pæla í að hætta þessu bloggi, og byrja með dcbob.net sem verður blogg mitt, myndaalbúm og heimasíða mín. Ég er búinn að kaupa dcbob.net en er ennþá að pæla í hvernig á að gera þetta. Er kominn með góðann PHP grunn undir síðuna og er að vinna í að láta hann virka. (mun líklega nota Drupal)

talsetningar

2005-08-19T22:01:00.000Z

GUÐ HVAÐ ÉG HATA KANANN STUNDUM!!!! þeir einfaldlega eyðileggja bíómyndir, á rúv var áðan að byrja japönsk/kínversk bardagamynd sem mér sýndist vera ansi góð (þótt ég nenni ekki að horfa á hana reyndar) en þarf þó ekki helvítis kaninn að koma með þjóðrembinginn sinn og trúina að enskan sé hið eina sanna mál og skíta yfir önnur mál og talsetja myndina. Og hvað í fjandanum er að RÚV að kaupa svona kanasora? afhverju í fjandanum getur RÚV ekki keypt myndina á sínu upprunalegu máli.. ég bara spyr. en já... dagur 9 og mér er að batna, á samt svoldið eftir af þessu öllu saman. ætli það sé ekki svona ein vika þangað til að ég get farið að borða almennilegann mat þannig séð þótt ég geti nú troðið sumu oní mig núna.

Hver er hinn eini og sanni Esi Metaldvergur?

2005-08-17T12:52:00.000Z

ok... "Hver er Jóhannes?" virkar núna :P sorry about that!

smá lagfæringar

2005-08-16T23:29:00.000Z

var aðeins að laga til, Dead Little Souls tengillinn fyrir Kviðsviðs lagið vísar nú á rétt lag en ekki Dark Spirit (takk Óskar for the head ups) og svo er komið "hver er jóhannes" tengill þarna vinstra meginn sem gefur upp upplýsingar um mig. Lagaði svo margt annað smátt í þetta skiptið en ég er farinn að sofa núna. Góða nótt.

Nýtt!

2005-08-16T11:19:00.000Z

já, það er rétt, ný hönnun! til að fagna öllum 5000 gestunum sem hafa lagt leið sína á þessa vefdagbók mína. Núna er þetta líka hýst á sínum eigin netþjón sem býður upp á marga skemmtilega möguleika en það kemur mjög líklega seinna. það getur verið að það verði einhverjir byrjunarörðugleikar við að skoða þetta blogg núna fyrst um sinn en ég ætti að geta komið öllu í lag fljótlega. En núna er dagur 6 af "endurhæfingu" minni eftir aðgerðina, vaknaði í morgun með ógeðslegan verk í hálsinum eins og vanalega á morgnanna en verkjalyfin laga það. ég held að ég sé alveg kominn uppúr þeirri stöðu að vera stanslaust rúmliggjandi, guði sé lof en hver veit hvað á eftir að gerast á næstu dögum en ég held að ég sé safe. Svo styttist í skólann... 15 september, i can't wait! ég er byrjaður að sakna MA, Húsins, Kaffi Karó og öllum vinum mínum þarna. en þetta styttist. styttist og styttist.

Dagur 5

2005-08-15T13:43:00.000Z

dagur 5 er búinn að vera fínn miðað við dag 4 en hann innihélt eiginlega bara blæðingar og margt annað ógeðslegt stöff. Sá dagur var hell. En ég held að ég sé losnaður við hitann en ég er ennþá með eitthvað í hálsinum (hrúður) sem ætti að losna fljótlega, spurningin hvort það losni í friði, eða með látum. Vonandi í friði því ég nenni ekki að standa í blæðingum aftur. vona það besta.. annars er lítið annað að frétta, ég er búinn að vera á fótum helvíti lengi núna sem er eiginlega bara met, örugglega 3 klukkutímar, jafnvel 4 og ég er ekkert þreyttur eða orkulaus. Þetta er bara met. en nóg um veikindi mín, Ég hef nú komist að því að ég verð í 2F á næsta skólaári í MA, og mun kennsla hefjast þann 15 september. nákvæmlega mánuður í þetta. og mér hlakkar bara ágætlega til, sérstaklega þar sem ég verð orðinn hress. algjörlega hress. víbbidídú.

5000 gestir

2005-08-13T22:15:00.000Z

jámm. 5000 gestir á bloggið mitt... jibbí. verst að ég er ekki beint í stuði til að fagna, helvítis veikindi. Er varla með orku til að sofna. En já, dagur 3 er búinn að vera ömurlegur, enda svaf ég ekkert síðustu nótt. ældi bara, ældi meira að segja blóði. en ég hef ekki orku í að skrifa meira. have a nice day.

Dagur 2 eftir hálskirtla aðgerð.

2005-08-12T21:33:00.000Z

Ég er ennþá frekar sljór eftir aðgerðina í gær, sársaukinn er ekki það versta heldur eftirköst svæfingar sem eru aðalega rosaleg þreyta, ógleði og fleira. Svo má nefna að ég fékk næringu í æð allann gærdaginn sem ég var á sjúkrahúsinu þannig að maginn sjálfur er tómur þannig að ef ég reyni að borða endar það bara aftur ofan í poka. Gærdagurinn var verulega skrýtinn. Var mér sagt að aðgerðin og allt saman tæki bara klukkutíma, sjálf aðgerðin seinkaði um smá stund. Var ég svæfðu og var það yndislega skrýtið. Man samt ekki eftir því að hafa sofnað. Man bara að allt í einu opnaði ég augun og vissi ekki neitt en þá var ég kominn inná vökudeild og aðgerðin búin. En þar hékk ég mest allann daginn. Marcus/Markus (eða hvernig sem nafnið hans er skrifað) var svo þarna líka en Konan hans var víst þarna á sjúkrahúsinu líka ef ég man rétt (minnið mitt er mjög gloppótt frá gærdeginum vegna eftirkasta svæfingarinnar) Gaman að hitta hann þarna. (fyrir þá sem ekki vita þá er Marcus vinur Báru og fjölskyldunnar hennar en hann er frá Lettlandi ef ég man rétt eða einhverju álíka landi. hehe. En já þegar ég loksins komst af sjúkrahúsinu fór ég hingað beint í nýju íbúðina mína þar sem ég verð í vetur meðan ég verð í MA. Verð að segja að ég hata þessa íbúð við fyrstu kynni en ég held að það sé veikindunum að kenna. hehe. Gærdagurinn var svo ógeðslegur að ég blótaði og blótaði og sagði það hafa verið mistök að fara í þessa helvítis aðgerð en morguninn núna var álíka slæmur en ég náði að koma mér á lappir núna og í tölvuna og er að reyna að koma eins miklum mat oní mig og ég get áður en ég fell aftur niður í verki og ógleði. Meðan ég skrifa þetta er ég ennþá á Akureyri í íbúðinni en planið er að koma sér heim eftir hádegi ef heilsan leyfir en mér kvíðir mest fyrir heimleiðinni ef ég myndi nú lenda í ógleðinni aftur. En já, þetta mun líklega ekki verða sent á bloggið mitt fyrr en ég kem heim því ég án internets hérna. En nóg um það og nóg í bili. takk fyrir mig.

I'm Jesus, LOL!

2005-08-10T23:41:00.000Z

Tími til kominn að blogga smá. Það vill svo til að þetta er í síðasta skipti sem ég skrifa þessa vefdrumbafærslu meðan hálskirtlar mínir eru til staðar en þeir verða slitnir út og hentir í ruslið um 10 leitið á morgun er ég fer á Akureyri í umtalaða aðgerð. Þannig að það er kominn tími til að kveðja þessa hálskirtla sem hafa verið mér til ama síðustu 17 ár með því að eiga að mestu leiti sök að matvendni minni, hversu mjór ég er og líka á stöðugum hálsbólgum sem vægast sagt hafa verið mjög slæmar og óþolandi í gegnum öll árin. Til dæmis má nefna hálsbólgu sem lét mig missa röddina í dálítinn tíma, enda gekk sú hálsbólga yfir á 6 mánuðum en þetta var þegar ég var 7 vetra gamall. En nóg um mína hálskirtla. Sambandi við þessa síðu þá hef ég verið að fá hugmyndir um hvernig eigi á að breyta henni og ekki þá bara útlitslega. Ég er að tala um algjörlega nýtt útlit, myndaalbúm, allar upplýsingar um mig ásamt greinum og fleira, semsagt egó-síða dauðans og svo auðvitað þetta blogg. Þetta er eiginlega ein af mörgum tilraunum í að sitja saman mest allar heimasíðunar mínar í eina og ég vona að það muni bera einhvern árangur.

The Esmundur has spoken

2005-08-06T09:21:00.000Z

ok, klukkan er 9:24 að morgni og það eru komnir 5 gestir á heimasíðuna í dag. Fólk! get a life! :P nei annars, flott mál en megið alveg henda inn commentum.

2005-08-06T00:42:00.000Z

Ný vera, lifandi bíður eftir að éta mig éta mig innan frá ég get ekki flúið úr fylgsnum hugans.

Goodbye Hálskirtlar

2005-08-02T14:25:00.000Z

sit hérna á Kaffi Karólínu á Akureyri, drekkandi swiss mocca og vafra á iBook tölvunni minni. :) Ég get ekki lýst hversu mikið ég elska þennan stað. en nóg um það. Fór til læknis í dag, sérfræðings. Og það kom í ljós að ég fer í aðgerð á fimmtudaginn í næstu viku til að fjarlægja hálskirtlana. Afleiðingarnar verða ágætlega sársaukafullar þar sem ég mun þurfa að lifa við verki og annað í hálsinum (plús áhættan á blæðingum í hálsinum, verður gaman að hósta upp blóði) en já, verður gott að losna við þessa ómótstæðilega pirrandi hálskirtla sem eru bæði illa farnir eftir sýkingar og alltof stórir. en já.. hef nú lítið að segja, búinn með kaffið, og mamma og pabbi ekki enn komin til að sækja mig.. ojæja, þarf víst að bíða! PS: keypti full metal alchemist volume 2 í dag!!! á 999 krónur... VÍÍÍÍÍÍ! (þeir sem ekki vita þá er full metal alchemist Manga, þeir sem vita ekki hvað manga er, þá er það japanskar teiknimyndasögur/teiknistíll)